Испанийн “Copa del Rey” тэмцээний хагас шигшээ шатны сүүлийн тоглолт явагдаж өндөрлөлөө. Atletico de Madrid талбай дээрээ Barcelona клубийг хүлээн авсан ч Barcelona клубээс Ferran Torres тоглолтын 27’ гоол оруулж, 0:1 харьцаатай Barcelona клуб ялалт байгуулснаар аваргын төлөө заналт өрсөлдөгч эзэн хааны Real madrid клубтэй учраа таарлаа.

Хамгийн сүүлд 11жилийн өмнө энэхүү тэмцээнд аваргын төлөө хоорондоо учраа таарч Real Madrid клуб 2:1 харьцаатай ялалт байгуулж байсан. Мөн энэхүү тэмцээнд Barcelona клуб 31 удаа түрүүлж байсан бол Real Madrid клуб 20 удаа түрүүлж байжээ.

Real Madrid клуб түүхэндээ Barcelona клубийг албан ёсны тоглолтод 105 хожиж 52 удаа тэнцэж, 102 удаа хожигдож байсан.

Харин нийт оруулсан гоол Real madrid клуб 423 гоол оруулж байсан бол Barcelona клуб 433 гоол оруулж байжээ.

"El Clásico”-д хамгийн олон гоол Lionel Messi 26 гоол оруулж байсан бол түүний араас Cristiano Ronaldo 18 гоол оруулж байжээ.

Шигшээ тоглолт 4 сарын 26-нд "Estadio La Cartuja" цэнгэлдэх хүрээлэнд явагдана.