Pelita Jaya клуб нь 1988 онд байгуулагдсан Индонезийн ууган сагсан бөмбөгийн клубүүдийн нэг юм.

2024 оны улиралд 21-5 амжилттай хүснэгтийнхээ 2-р байраар шалгарсан. Индонезийн сагсан бөмбөгийн дээд лигийн Плэй-офф болон Финалын шат нь түрүүлж 2 хожсон баг нь цувралд ялах дүрмээр явагддаг. Пелита Жаяа багийн хувьд Плэй-оффт эхний шатанд 2-0, хагас шигшээд 3-р байраар гарсан багаа мөн 2-0, Финалд 5-р байраар шалгарсан Satria Muda Pertamina багийг 2-1 харьцаатай буулган авч Индонезийн Дээд лигийн гурав дахь аваргын цомоо өргөжээ. Улмаар BCL-д шалгарсан байна. 2025 оны улирлын тоглолтууд үргэлжилж байгаа ба тэд 13 тоглолт хийснээс 10 хожил 3 хожигдолтой хүснэгтийнхээ гуравдугаар байранд бичигдэж буй. Хамгийн сүүлд тэд Дээд лигийн тоглолтоо 03-р сарын 22-нд хийсэн ба түүнээс хойш BCL-д 03-р сарын 27-нд NS Matrix Deers багтай тоглосон бол 04-р сарын 05-нд Бишрэлт Металл багтай, 04-р сарын 13-нд эргээд Дээд лигийн тоглолтдоо оролцоно.

Ахлах дасгалжуулагч: Johannis Winar

Тоглогчийн хувиар 1989-2004 онд Дээд лигт тоглохдоо 3 удаа аварга авсан бол 2006 оноос дасгалжуулагчийн замналаа эхэлж, анх энэ багийг авсан даруйдаа аварга авсан туршлагатай дасгалжуулагч юм. 

Багийн гол тоглогч: K. J. McDaniels /Довтлогч/

1993 онд АНУ-д төрсөн. Сlemson-ий коллежоос гараагаа эхлүүлж 2014 оны 2-р тойргийн 32 дахь сонголтоор НБА-д драфтлагдаж, Филадельфиа 76ерс багт хүчин зүтгэж эхэлсэн байна.  Тус жилдээ 9.2 оноо, 3.8 самбар, 1.3 хаалт дунджилж байжээ. Түүнээс хойш Хьюстон Рокетс, Брүүклин Нетс зэрэг багуудад тоглосоор 2019 оноос олон улсын лигүүдэд тоглож эхэлжээ. 2023 онд Pelita Jaya багт нэгдэж, өнгөрсөн улирлын аварга, Бүх-Од зэрэг шагналуудын эзэн болсон байна.

Энэ улиралд K. J. McDaniels 19.5 оноо, 10.9 самбар, 3.4 дамжуулалт, 2.0 хаалт, 1.6 бөмбөг таслалт дунджилж байна. 

Энэ жил шинээр нэгдсэн Jaquori Mclaughlin /Хамграалагч/

1998 онд төрсөн АНУ-д төрсөн. 2021 онд НБА-д драфтаа нэрээ өгсөн боловч сонгогдож чадаагүй ч Даллас Маверикс багт хоёр талт гэрээгээр орж, G league-ийн багт нь сонгогдон тоглосон байна. Түүнээс хойш 2023 онд Шинэ Зеландын дээд лигт тоглон 10.5 оноо, 3.3 дамжуулалт, 2.2 самбар дунджилсан ба энэ жилээс Pelita Jaya багт нэгдсэн байна. Энэ улиралд 15.7 оноо, 5.6 дамжуулалт, 4.3 самбар, 1.8 бөмбөг таслалт дунджилж байна.

Бишрэлт Металл болон Pelita Jaya багууд BCL-д аль аль баг нь NS Matrix Deers багтай тоглосон ба хоёр баг хоёулаа хожил авсан. Харин тус тоглолтуудад үзүүлсэн статистик үзүүлэлтүүдийг харьцуулж үзвэл.

Хоёр багийн тоглолт 04-р сарын 05-ны 20:00 цагаас Индонези улсын Жакарта хотноо болно. Үндэсний Дээд лигийн Бишрэлт Металл багтаа амжилт хүсье!