MSports logo
“Copa del Rey” цомын тэмцээний финалд Real Madrid шалгарлаа
  • Т
    Тэлмүүн

    4 сарын 2

  • “Copa del Rey” цомын тэмцээний финалд Real Madrid шалгарлаа

    Испанийн эзэн хааны Real Madrid клуб алдарт “Santiago Bernabéu” цэнгэлдэхдээ Real Sociedad клубийг хүлээн авч тоглолоо.


    Тоглолтын эхний хагасын 16’ Real Sociedad клубийн Ander Barrenetxea гоол оруулж талбайн зочид тэргүүлж эхлэв. 30’ талбайн эздээс Vinicius Jr-ийн ганган дамжуулалтаар Endrick хаалгачийн дээгүүр өлгөж гоол оруулснаар эхний хагас 1:1 харьцаатай өндөрлөв. 


    Тоглолтын 2-р хагасын 72’ Pablo Marin баруун жигүүрээс төв рүү дамжуулсан бөмбөгөнд David Alaba санамсаргүй өөрийн хаалганд оруулж талбайн зочид 1:2 болгов. 


    Үүнээс 8’ дараа Takefusa Kubo дамжуулалтаар Mikel Oyarzabal гоол оруулж талбайн эздийг хүнд байдалд оруулж чадлаа. Гэсэн ч ердөө 2’ дараа Vinicius Jr дамжуулалтаар Jude Bellingham гоол оруулж 2:3 болгов. 86’ талбайн эздээс Rodrygo дамжуулалтаар Tchouameni мөргөж гоол оруулснаар 3:3 болгон тэнцүүлсэн ч үндсэн цагийн шүгэл дуугарахтай зэрэгцэн 90+3’ Gomez-н чөлөөт цохилтоос оруулсан дамжуулалтыг Mikel Oyarzabal мөргөж гоол оруулснаар үндсэн цаг 3:4 харьцаатай зочид тэргүүлж нэмэлт цаг сунгахаар болов. 


    Нэмэлт цагийн 115’ Arda Guler-н дамжуулалтаар Antonio Rudiger мөргөж гоол оруулж энэхүү тоглолт 4:4 харьцаатай тэнцэж нийлбэр дүн 5:4 харьцаагаар Real Madrid клуб аваргын төлөө шалгарч чадлаа. 

    “Copa del Rey” цомын тэмцээний финалд Real Madrid шалгарлаа

    Real Madrid клубтэй шигшээ тоглолтод өрсөлдөх баг өнөөдрийн тоглолтоос тодорно.


    Atlético de Madrid vs Barcelona


    Atlético de Madrid клуб “Riyadh Air Metropolitano” цэнгэлдэх хүрээлэндээ Каталоны алдарт Barcelona клубийг хүлээн авч тоглоно. 


    Өмнөх тоглолт “Camp Nou” цэнгэлдэхэд болоход 4:4 харьцаатай эвийн гэрээ байгуулсан.


    Тоглолтын өмнөх мэдээллээр талбайн эздээс Robin Le Normand, Koke нар бага зэргийн зовуурьтай Angel Correa улаан хуудасны торгуультай оролцох боломжгүй бол Barcelona клубээс Ter Stegen, Marc Casado, Dani Olmo, Marc Bernal нар гэмтлийн улмаас оролцох боломжгүй бол Andreas Christensen бага зэргийн зовуурьтай байгаа. 


    Atlético de Madrid клубийн боломжит гарааны 11 тоглогчид:


    Хаалгач: J.Oblak

    Хамгаалагч: M.Llorente, J.M.Jimenez, C.Lenglet, J.Galan

    Хагас хамгаалагч: G.Simeone, R.de Paul, P.Barrios, S.Lino

    Довтлогч: J.Alvarez, A.Griezmann


    Дасгалжуулагч: Diego Simeone ( 4-4-2 )


    Barcelona клубийн боломжит гарааны 11 тоглогчид:


    Хаалгач: W.Szczesny

    Хамгаалагч: A.Balde, I.Martinez, P.Cubarsi, J.Kounde

    Хагас хамгаалагч: Pedri, F.de Jong, L.Yamal, Gavi, Raphinha

    Довтлогч: R.Lewandowski


    Дасгалжуулагч: Hans-Dieter Flick ( 4-2-3-1 )