“UEFA NATIONS LEAGUE” тэмцээний хагас шигшээ тоглолт Германы Мюнхен хотын 75024 хүний суудалтай алдарт “Allianz Arena”-д Герман болон Португал улсын шигшээ багууд тоглолоо.  

Тоглолтын 7 дахь минут эхний аюултай довтолгоог Португалийн шигшээ багийн ахлагч шигшээ багийнхаа мэргэн бууч Cristiano Ronaldo-н зүүн хөлийн гоёмсог цохилтыг Герман хаалгач M.Ter-Stegen хааж зогсоов. Тоглолтын 19 дэх минут Германы шигшээ багийн довтлогч Nick Woltemade-н цохилтыг Португал хаалгач Diogo Costa ганган тэсэрч хаав. Тоглолтын 21 дэх минут Leon Goretzka-ийн цохилтыг өнөөх л Diogo Costa тэсэрч хааж чадлаа. Улмаар эхний хагас харилцан аюултай довтолгоотой өрнөсөн ч хаалганы тор хөдөлсөнгүй. Тоглолтын хоёрдугаар хагас эхлээд 48 дахь минут Германы шигшээ багийн хагас хамгаалагч Joshua Kimmich-ийн ганган дамжуулалтаар Германы ирээдүй гэгдэж буй залуу од Florian Wirtz мөргөж гоол оруулан 1:0 болгов. 

Тоглолтын 63 дахь минут сэлгээгээр талбайд орж ирсэн Francisco Conceição зүүн хөлийн ганган цохилт гоол орж 1:1 болгон тэнцүүллээ. Улмаар тоглолтын 68 дахь минут Nuno Mendes-ийн дамжуулалтаар Португалийн шигшээ багийн бүх цаг үеийн мэргэн бууч Cristiano Ronaldo гоол оруулж 1:2 болгон тэргүүлж эхэллээ. Тоглолтын үлдсэн хугацаанд Германы шигшээ баг хэд хэдэн аюултай довтолгоо гүйцэтгэсэн ч хаалганы тор хөдөлсөнгүй. Португалын шигшээ баг 25 жилийн дараа анх удаа Германы шигшээг хожиж “UEFA Nations league”-ийн аваргын төлөө шалгарч үлдлээ. 

Сонирхуулахад 25 жилийн өмнө Португалийн шигшээ баг Германы шигшээ багийг хожиход урд шөнө гоол оруулсан Francisco Conceição-ийн аав Sérgio Conceição 3 гоол оруулж 3:0-ийн харьцаатай буулган авч байжээ.