Катарын Лусаил цэнгэлдэх хүрээлэнд Францын багийг торгуулийн цохилтоор буулган авснаар Аргентин гурав дахь ДАШТ-дээ түрүүллээ. 120 минутын сэтгэл хөдөлгөм хөлбөмбөгийн тоглолтын үр дүнд тоглолт 3:3-аар тэнцсэн бөгөөд үүний дараагаар торгуулийн цохилтоор Ла Альбиселесте гоолоор Аргентин 4:2-оор ялалт байгуулснаар Лионель Месси 35 насандаа хүсэн хүлээсэн цомыг хүртлээ. Францын шигшээ багийн хувьд Килиан Мбаппе хет-трик хийсэн нь 1966 оноос хойш дэлхийн аварга шалгаруулах тэмцээний финалд анхны тохиолдол болсон юм. Дэлхийн аварга шалгаруулах тэмцээн нь Мессигийн алдарт карьерт дутуу байсан нэг том цом байсан бөгөөд Аргентинчууд шигшээ тоглолтыг 2:0-ээр тэргүүлж эхэлсэн. Пари Сен Жермений довтлогч 23 дахь минутад Осман Дембелегийн Анхель ди Мария руу гаргасан алдааг гоол болгож, гоолын салхийг хагалсан. Дараа нь 12 минутын дараа Алексис Мак Аллистерын дамжуулалтаар Анхель Ди Мария гоол оруулж, Аргентиний давамгайлал улам бататгасан юм. Гэсэн ч хоёрдугаар хагаст Мбаппе тооны харьцааг тэнцүүлж тоглолтын хувь заяаг эргүүлж эхэлсэн ч эцэст нь ялалт Аргентинийх байлаа. Мбаппе 8 гоол оруулж, Мессигийн оруулсан долоон гоолоос нэг илүү гоол оруулснаар Алтан шаахай хүртлээ.
Лионел Скалони Копа Америка болон дэлхийн аварга шалгаруулах тэмцээнд түрүүлсэн анхны Аргентины дасгалжуулагч болсон юм. Энэ тоглолтын гоол баатруудын нэг бол Аргентиний шигшээ багийн хаалгач Мартинез зүй ёсоор нэрлэгдэж, шилдэг хаалгач “Алтан Бээлий” шагналыг хүртсэн бол шилдэг залуу тоглогчийн шагналыг Аргентиний залуу тоглогч 21 настай Энзо Фернандез хүртлээ. 32 шигшээ баг оролцсон сүүлийн дэлхийн аварга шалгаруулах тэмцээний шигшээ тоглолт түүхэнд үргэлж дуурсагдахаар онцгой, гэнэтийн, олон зүйл тохиосон тоглолт болон үлдэж байна.
Катарчууд ч зохион байгуулалтын хувьд том босгыг тавьж, хөлбөмбөг сонирхогч фанатуудад гайхалтай баяр баяслыг бэлдснийг онцлох хэрэгтэй. Ирэх дэлхийн аварга шалгаруулах тэмцээн Мексик, Канад, АНУ-д 48 багтайгаар зохион байгуулагдах болно.
