BBC Sports Personality Аргентины шигшээ багийн ахлагч Лионель Месси 2022 оны дэлхийн спортын оны шилдэг одоор тодрууллаа. BBC-ийн Дэлхийн спортын оны шилдэг одыг тухайн жилийн хугацаанд дэлхийн тавцанд спортын хамгийн өндөр амжилт гаргасан тамирчныг шалгаруулдаг. Өдгөө 35 настай Месси Катарт болсон дэлхийн аварга шалгаруулах тэмцээнд 36 жилийн дараа Аргентиныг дэлхийн аваргад анх удаа түрүүлэхэд голлох үүргийг гүйцэтгэсэн. Парис Сен-Жермений довтлогч тав дахь ДАШТ-дээ долоон гоол оруулсны дараа ийнхүү шилдгээр нэрлэгдэж байна. Барселона багийн хуучин одыг бүх цаг үеийн хамгийн агуу хөлбөмбөгчдийн нэг гэж олон нийт хүлээн зөвшөөрч байна.
Месси ДАШТ-ий финалд хоёр гоол оруулж, мөн шийдвэрлэх мөчид торгуулийн цохилтыг амжилттай гүйцэтгэсэн билээ. Түүний энэхүү амжилт нь хөлбөмбөгийн хамгийн том шагналыг жил бүр шилдэг хөлбөмбөгчинд олгодог “Ballons d'Or”-ын цолыг багтаасан цомын жагсаалтад нэмсэн амжилт болж байна. Аваргуудын лиг, Копа Америка тэмцээний аварга , 10 удаа Ла лигийн аварга, Барселонагийн хамт Лиг 1-ийн титэм зэрэг Месси өөрийн замналдаа олон амжилтын эзэн болсон. Тэрбээр карьертаа 793 гоол оруулсан байдаг. Месси ням гарагт ДАШТ-ий цомыг өргөснийхээ дараа "Энэ бол хүн бүрийн бага байхын мөрөөдөл. Би бүх зүйлд хүрэх азтай байсан бөгөөд дутуу байсан зүйлээ эндээс олсон" гэж хэлжээ. Месси Парис Сент-Жерментэй хамт 4-р сард Францын анхны аварга болсон бол 2022-23 оны 8-р сард лиг эхэлсэнээс хойш багийнхаа 19 тоглолтонд 12 гоол оруулж, 14 оновчтой дамжуулалт өгчээ. Месси 2026 онд болох дараагийн дэлхийн аварга шалгаруулах тэмцээний үеэр 39 нас хүрэх бөгөөд Катарт болох шигшээ тоглолт түүний сүүлчийнх болно гэж өмнө нь хэлж байсан. Гэсэн ч тэрбээр одоогоор шигшээ багаасаа зодог тайлах бодолгүй байгаа бөгөөд ДАШТ-ий цомыг өргөснийхээ дараа "Дэлхийн аварга болж дахин хэд хэдэн тоглолт үзэхийг хүсч байна" гэжээ. Ийнхүү BBC-ийн оны шилдэг одоор Месси тодорлоо. 2021 оны тус шагналын ялагчаар Ирландын морин унаач Рэйчел Блэкмор тодорч байсан юм.
