Монголын хөл бөмбөгийн Дээд лигийн аварга СП Фалконс баг AFC Challenge League-ийн тоглолтоо эх орондоо хүлээн авч тоглохоор боллоо. 2024-2025 оны улирлын аварга СП Фалконс баг Хятадын Тайванийн хөлбөмбөгийн дэд аварга Taichung Futuro FC багтай 08-р сарын 12-нд 15:00 цагаас Улаанбаатар хотноо, хөлбөмбөгийн талбайдаа тоглохоор болжээ.

Энэ жилийн дэд аварга Хангарьд клуб мөн AFC Challenge League-т тоглохоор болсон ба мөн адил 08-р сарын 12-нд 18:30 цагаас Хятадын Тайванийн Дээд лигийн аварга Tainan City FC клубтэй нутагт нь тоглохоор болсон байна.

AFC Challenge League нь Азийн хөлбөмбөгийн холбооноос зохион байгуулдаг Азийн клубүүдийн хөлбөмбөгийн арван нэг дэх удаагийн тэмцээн бөгөөд AFC Ерөнхийлөгчийн цомоос AFC Challenge лиг болгон өөрчилснөөс хойшхи анхны тэмцээн юм.

Энэ нь 2014 оноос хойшхи шинэчлэгдсэн форматаар эхлүүлж буй томоохон тэмцээн юм. Нийт $4,420,000 шагналын сантай энэхүү томоохон тэмцээнд Азийн шилдэг 18 клуб өрсөлдөх юм.