Олон улсын шайбтай хоккейн холбоо Хятад улс багийн стандартын талаар санаа зовж байгаа хэдий ч эрэгтэйчүүдийн Олимпийн шайбтай хоккейн тэмцээнд оролцох эрхээ хэвээр үлдээнэ гэж батлалаа. Хятадын эрэгтэй багийн чанараас болгоомжилж, тэднийг Бээжин 2022 тэмцээнд оролцохоос хасч магадгүй гэсэн санал гарч байсан. 
Олон улсын хоккейн холбооны ерөнхийлөгч Люк Тардиф талбайн эзэд бүх тоглолтондоо хожигдох магадлалтай, улмаар тэмцээн болон спортод үзүүлэх нөлөөллийн талаар санаа зовнил албаны хүмүүсийн дунд байсан” гэжээ. 
Холбооны зүгээс өнгөрсөн сард ямар ч өөрчлөлт гаргаагүй бөгөөд Хятад улс тэмцээнийг зохион байгуулагч орныхоо байрыг хадгалахаар болсон гэж дахин мэдэгдэв. Удирдах байгууллага нь Зөвлөлийн сүүлчийн хурлаар Хятадын эрэгтэйчүүдийн шигшээ багийн тоглогчдын шалгуурыг хянана.
Тивийн хоккейн лигийн энэ сард Кунлун Ред Стар багийн төлөөх тоглолтуудыг тоглогчдын эрхийг тодорхойлоход ашигласан. Хойд Америкт төрсөн хэд хэдэн тоглогчдын дийлэнх нь Хятад гаралтай бөгөөд 2016 онд ОХУ-ын хоккейн лигт дийлэнх нь элссэн Бээжингийн Кунлун Ред Стар багт тоглохоор Хятад руу шилжсэн гэх мэдээлэл байна.
Кунлун Ред Стар өнгөрсөн сард хоёр тоглолтод хожигдож, нэмэлт цагт Хабаровск Амур багт 5:4, Омскийн Авангард багт 4:1-ээр хожигдсон. 
Ийнхүү Хятадын багийг хэвээр үлдээснээр өвлийн олимпийн наадамд БНХАУ-ын шигшээ баг А хэсэгт “Пёнчан-2018”-ын мөнгөн медальт Канад, АНУ, Германы багуудтай тоглоно. АНУ, Канад 10 удаа олимпийн аварга болж байсан. 
Канад, АНУ-ын багийн бүрэлдэхүүнд /NHL/ Үндэсний хоккейн лигийн тоглогчид бүрдүүлэх төлөвтэй байна.  NHL-ийн тоглогчид өмнө нь Нагано 1998-аас эхлэн дараалан таван олимпийн наадамд оролцож байсан бол "Пёнчан 2018"-ыг өнжсөн.
Харин IIHF, NHL болон NHL-ийн тоглогчдын холбооны хооронд 9-р сард тохиролцоонд хүрч, Бээжинд тамирчид оролцохоор болоод байгаа.
Өвлийн олимпийн наадмын В хэсэгт ОХУ-ын Олимпийн хорооны баг, Чех, Швейцарь, Данийн шигшээ багууд өрсөлдөх бол С хэсэгт Финланд, Швед, Словак, Латвийн багууд өрсөлдөх юм.