Парисын олимпын эрх олгох Дэлхийн эрхийн тэмцээнд оролцохоор Ерөнхий дасгалжуулагч Гавьяат тамирчин Б.Наранбаатараар удирдуулсан баг тамирчид өнгөрсөн амралтын өдөр Станбулыг зорьсон юм.

Монголын чөлөөт бөхийн шигшээ багийн бүрэлдэхүүн МИАТ-ийн “Хубилай хаан” нисэх хөлгөөр 9 цаг 30 минут үргэлжилсэн нислэгийн дараа Станбул хотноо газарджээ. Парис 2024 олимпын эрхийн сүүлийн тэмцээнд манай улсаас 9 тамирчин өрсөлдөнө.

Чөлөөт бөхийн төрөлд
Эрэгтэй:
• 57 кг З.Занабазар
• 65 кг Т.Тулга
• 74 кг О.Сүлдхүү
• 97 кг Г.Ганхуяг
Эмэгтэй:
• 53 кг Б.Хулан
• 57 кг Б.Хонгорзул
• 76 кг Э.Даваанасан
Сонгомол бөхийн төрөлд
•60кг Б.Мөнх-Эрдэнэ
•97кг Б.Бадамдорж нар эрхийн төлөө өрсөлдөнө.
Шүүгчээр олимпын зэрэглэлийн шүүгч Б.Алтангадас ажиллана.