Миннеоста Тимбервулвс багийн лидер энэ улиралд нэлээдгүй хэд хэдэн удаа NBA-д торгууль төлөөд амжлаа. Түүнийг энэ удаа бүр 75,000$ мөнгөн дүнгээр торгосон ба шалтгаан нь "олон нийтэд шүүгчдийг шүүмжлэхдээ ёс бус хэллэг ашиглаж, зохимжгүй үгээр доромжилсон" гэсэн байна.

Тодруулбал, өнгөрсөн ням гариг өдөр Голден Стейт Уарриорстой тоглож 113-103 харьцаатай талбай дээрээ ялагдал хүлээсэн билээ. Тоглолтын дараа Эдвардс:

Тухайн тоглолтыг Sean Wright, Sean Corbin болон Simone Jelks нар шүүсэн байдаг.

Эдвардс тухайн тоглолтод ердөө 4 удаа торгуулийн шидэлт шидсэн нь түүнийг ингэж хэлэхэд хүргэсэн бололтой. Гэхдээ ерөнхийд нь харахад Миннесота багаараа 25 удаа торгуулийн шугамын ард зогссон бол Уарриорс 23 удаа гээд тийм ч их ялгаа үүсээгүй байна. Гол асуудал нь шүүгчид Эдвардсд гол ач холбогдол өгч түүний эсрэг ажиллаад байгаа талаар гомдлоод байгаатай холбоотой.

Тэрээр ердөө хоёр долоо хоногийн өмнө буюу 12-р сарын 8-нд яг Уарриорсын эсрэг тоглолтод NBA-ийн зүгээс 25,000$ торгууль авсан ба шалтгаан нь ёс бус үг хэллэг ашигласан гэхдээ шүүгчдийг шүүмжлээгүй гэсэн утгаараа арай бага мөнгөн торгууль ноогдуулж байж.

Харин таван долоо хоногийн өмнө 11-р сарын 17-нд Эдвардс Сакраменто Кингс багийн хөгжөөн дэмжигч руу "дунд хуруу" гаргаж 35,000$ торгууль амссан билээ. Ингээд нийтдээ тэрээр сүүлийн сарын хугацаанд 135,000$ мөнгөн дүнгээр торгуулж байгаа бөгөөд энэ нь монгол төгрөгөөр ойролцоогоор 460,000,000 төгрөг юм.