Олон улсын шилдэг хөлбөмбөгчдийг тодруулдаг FIFPRO Men's World 11 нь дэлхийн өнцөг булан бүрд буй мэргэжлийн тоглогчдод олгодог дэлхийн цорын ганц хөлбөмбөгийн шагнал юм. Дэлхийн 70 гаруй орны 28,000 гаруй хөлбөмбөгчид 2023 оны 8-р сарын 21-ээс 2024 оны 7-р сарын 14-ний хооронд үзүүлсэн амжилтаар нь байрлал тус бүрд гурван тоглогчийг сонгодог байна.

Харин энэхүү шагналд Премьер лигийн Манчестер Ситигийн долоон тоглогч 2024 оны Fifpro оны шилдэг эрэгтэй тоглогчдод нэр дэвшсэн байна. Тэднээс гадна Премьер лигээс Реал Мадридын супер од Килан Мбаппе багтжээ.

Ситигийн сонгогдсон долоод хаалгач Эдерсон, хамгаалагч Рубен Диас, Кайл Уолкер, хагас хамгаалагч Родри, Кевин де Брюйне, Фил Фоден, довтлогч Эрлинг Хааланд нар багтсан байна.

Аргентины шигшээ болон Интер Майамигийн довтлогч Лионель Месси, Аль Насср багийн довтлогч Криштиану Роналду зэрэг домгууд л Европын орнуудаас гадуур тоглодог тоглогчдоос сонгогджээ. Месси 18 дахь удаагаа нэр дэвшиж байгаа нь түүний түүхэн дэх хамгийн олон нэр дэвшсэн тоглогчийн амжилтыг ахиулж байгаа бол Роналдо 16 дахь удаагаа сонгогдож түүний араас бичигдэж байна. 

Тус санал асуулгад Дэлхийн 70 гаруй орны 21,000 эрэгтэй тоглогч санал өгсөн бол 7,000 гаруй эмэгтэй хөлбөмбөгчид саналаа өгсөн гэж Дэлхийн тоглогчдын холбоо Fifpro мэдээлэв.

12-р сарын 9-нд болох FIFA Best шагнал гардуулах ёслолын үеэр энэ оны шилдгүүдээ тодруулах ажээ.

Энэ оны өрсөлдөгчид:

Хаалгачид:

Эдерсон (Манчестер Сити, Бразил), Эмилиано Мартинес (Астон Вилла, Аргентин), Мануэль Нойер (Бавари Мюнхен, Герман)

 Хамгаалагч нар:

 Дани Карвахал (Реал Мадрид, Испани), Рубен Диас (Манчестер Сити, Португал), Виржил ван Дейк (Ливерпуль, Нидерланд), Жереми Фримпонг (Байер Леверкузен, Нидерланд), Антонио Рюдигер (Реал Мадрид, Герман), Уильям Салиба (Арсенал), Франц), Кайл Уокер (Манчестер Сити, Англи)

Хагас хамгаалагчид: Жуд Беллингхэм (Реал Мадрид, Англи), Кевин де Брюйне (Манчестер Сити, Бельги), Фил Фоден (Манчестер Сити, Англи), Тони Кроос (Реал Мадрид, Герман), Лука Модрич (Реал Мадрид, Хорват), Жамал Мусиала (Бавари Мюнхен, Герман), Родри (Манчестер Сити, Испани), Федерико Вальверде (Реал Мадрид, Уругвай)

Довтлогч: Эрлинг Хааланд (Манчестер Сити, Норвеги), Харри Кейн (Бавари Мюнхен, Англи), Килиан Мбаппе (Парис Сен-Жермен/Реал Мадрид, Франц), Лионель Месси (Интер Майами, Аргентин), Коул Палмер (Манчестер Сити/Челси) , Англи), Криштиану Роналду (Аль-Наср, Португали), Винисиус Жуниор (Реал Мадрид, Бразил), Ламин Ямал (Барселона, Испани)