НБА-ийн дөрвөн удаагийн бүх одод Пол Миллсап 16 жилийн замналынхаа дараа зодог тайлж буйгаа зарлажээ. Лигийн түүхэнд 1000 хаалт, 1000 бөмбөг таслалт, 500 удаа алсын зайнаас унагасан ердөө наймхан тоглогчдын нэг юм. 2006 онд драфтын 47 дахь сонголтоор орж ирсэн. Өдгөө 39 настай тэрээр Юта Жазз, Атланта Хокс, Денвер Наггетс, Брүүклин Нетс, Филадельфи 76ерс багуудад тоглож байсан. Миллсапын хамгийн шилдэг улирлууд нь Хокс багт дөрвөн жил тоглоход нь (2013-2017) болж байлаа. Тэрбээр тухайн улирал бүрд Бүх оддын багт тоглож, нэг тоглолтод 17,4 оноо, 8,3 самбар дундчилсан.

Хоксын дөрвөн тоглогчид бүгд плей-оффт шалгарсан гайхалтай улирал байлаа. Атлантагийн шилдэг тоглолт 2014-15 оны улиралд тохиож, 60-22-оор Дорнод бүсийн нэгдүгээр байраар шалгарсан. Улмаар Зүүн бүсийн финалд Леброн Жэймстэй Кливленд Кавальерст ялагдсан юм. Миллсап тэрхүү сайн багийн оноо авалт, самбараас бөмбөг авалтаар тэргүүлж байсан билээ. Ийнхүү хэдий аварга авч чадаагүй ч Атланта Хокс багт өөрийн өвөө үлдээж чадсан Пол Милсап сагсан бөмбөгийн замналаа өндөрлүүлж байна.