3х3 Pro League-ийн Stop 1-д түрүүлсэн Э.Цэрэнбаатар тэргүүтэй Н.Батбаяр, Б.Энхсайхан, Н.Ганбаатар нар өнөөдөр Солонгос улсыг зорилоо. Баг тамирчид БНСУ-д болох Hongcheon challenger-т орох эрх авсан Солонгосыг зорилоо.

 

Тэд цуврал 1-ийн хагас шигшээд орох эрхийн төлөө Bayangol Broncos багийг 21-16 харьцаатай ялж шигшээ тоглолтод шалгарч, улмаар "Bosgo BCH Garid" багийг 21:19 харьцаатай буулган авснаар эхний "FIBA 3х3 Challenger" тэмцээнд оролцох эрхээ гардан авсан билээ.

Монголын 3х3 сагсан бөмбөгийн холбоо FIBA 3х3-тай хамтран сагсан бөмбөгийн баг, тамирчдад бэлтгэл сургуулилтаа сайн хийж, хоорондоо хүчтэй өрсөлдөх боломжийг өргөжүүлж, шилдэг баг нь олон улсын тавцанд гарах боломжийг бүх багуудад ижил эрхтэйгээр олгох зорилгын хүрээнд “MGL 3x3 Pro League” тэмцээнийг зохион байгуулж эхлээд байна.

Эхний чалленжер тэмцээн 5-р сарын 11-нд БНСУ-ын Хончеон хотод зохиогдох хуваарьтай байна. Ийнхүү манай баг тамирчид БНСУ-ыг өнөөдөр зорилоо.