Хуучний Жимми эргэн ирж, нэмэлт цагт сунгасан хүнд тоглолтын эцэст Лука Дончичгүй дөрвөн тоглолт дараалан ялаад байсан Даллас Мавериксийг Майми талбай дээрээ буулгаж авлаа. Жимми Батлер өнөөдөр 33 оноо, 9 самбар, 6 дамжуулалт, 2 хаалт, 64.7%-ийн довтолгоо гүйцэтгэж багаа тэргүүлэв.

Филадельфиа 76ерсийн асуудал үргэлжилсээр. Лос Анжелес Клипперс тэнийг талбай дээр нь 26 онооны зөрүүтэй бут ниргэв. Клипперс 125-99 Филадельфиа. Улирал эхлэхийн өмнө Дорнодын топ баг гэгдэж байсан Филли Плэй-оффт орох магадлал 4.2% болтлоо буурсан байна. Нөгөө талд Лос Анжелес Клипперс 5 дараалсан ялалтаа байгуулж, бүсийнхээ 5-р байранд бичигдэж байна. 

Жэйсон Тэйтум, Жэйлен Браун нарын хослол Миннесота Тимбервулвсыг 2 оноогоор буулгаж авлаа. Бостон 107-105 Тимбервулвс. Тэйтум 26 оноо, 8 самбар, 4 дамжуулалт, 2 таслат. Браун 29 оноо, 2 самбар, 4 дамжуулалт. Хоёр дараалж хожигдсон Тимбервулс Плэй-Иний байрлалаас гарлаа. 

Кливлэнд Кавальерс улирлын 17 дахь хожлоо талбай дээрээ авлаа. Тэдний амжилт хөөсрөл биш байсан гэдэг нь улам бүр батлагдаж байна. Өнөөдөр зургаан тоглогч 10 болон түүнээс дээш оноо авахаас гадна. Талбай дээр гарсан бүх тоглогчид оноо авчээ

Лигт хоёрхон хожилтой ганцхан баг Уашингтон Визардс. Өнөөдөр Индианагийн талбайд зочлон 115-103 харьцаатай ялагдал хүлээлээ. Уашингтоны гарааны тоглогчид бүгд оноо авсан ч төгсгөлөө хийж чадалгүй хожигдол амссаар. 

Деарон Фоксийн гайхалтай үдшийг Кэм Томас үгүй хийв. Брүүклин Нетс Сакрементог талбай дээр нь 108-103 харьцаатай буулгаж авлаа. Сакременто Кингс мөн л адил Плэй-Иний байрлалаас гадуур явна. Кэм Томас өнөөдөр 34 оноо, 6 дамжуулалт, 2 самбартайгаар багаа тэргүүлэв.