Английн хөлбөмбөгийн “Carabao Cup” тэмцээний хүрээнд Английн хамгийн аугаа түүхтэй Manchester united клуб Английн 4-р лигийн Grimsby town клубийн талбайд зочлон тоглолт хийж 2:2 харьцаатай тэнцэж ялагчийг 11 метрийн торгуулийн цохилтоор тодруулахад 12:11 харьцаагаар талбайн эзэн Grimsby town клуб ялалт байгуулж маш том сенсац тарьж чадлаа.
Английн хөлбөмбөгийн 4-р лигийн Grimsby Town клуб Manchester united клубийг цомын тэмцээнээс хаслаа
8 сарын 28


Тоглолтын эхний үеийн 22 дахь минутад Grimsby town клубийн D.Burns-ийн дамжуулалтаар Charles Vernam гоол оруулж 1:0 болгов. Улмаар түүний гоолоос ердөө 8 минутын дараа гоолийн эзэн Charles Vernam-ийн дамжуулалтаар Tyrell Warren гоол оруулж эхний хагасыг талбайн эзэд тэргүүлэв. Тоглолтын хоёрдугаар хагасын 75 дахь минутад K.Mainoo-ийн дамжуулалтаар Bryan Mbeumo гоол оруулж 2:1 болгон ойртуулав. Тоглолтын үндсэн цаг дуусахтай зэрэгцэн булангийн цохилтоос M.Mount-ийн дамжуулалтаар дэлхийн хамгийн үнэтэй хамгаалагч Harry Maguire гоол оруулж 2:2 болгов. Улмаар үндсэн цаг дуусаж ялагчийн хувь заяаг 11 метрийн торгуулийн цохилтоор шийдэхээр болов.

Grimsby town клубээс Clarke Oduor алдсан бол Manchester united клубээс Matheus Cunha болон Bryan Mbeumo нар алдаж Английн 4-р лигийн буюу League Two-д тоглодог Grimsby town клуб хожил байгуулж тэмцээнийг цааш үргэлжлүүлэхээр боллоо.
