Франц 2025 онд Рагбигийн лиг төрлийн дэлхийн аварга шалгаруулах тэмцээнийг зохион байгуулна гэж Францын Рагбигийн лигийн холбоо баталжээ. Тус улсыг өнгөрсөн жил Олон улсын рагбигийн лигийн сонгосон нэр дэвшигчээр тодруулсан тул зохион байгуулах эрхийг авах төлөвтэй байсан. Рагби лиг төрөл нь Rugby Union буюу рагбигийн үндсэн төрлөөс ялгаатай дүрмийн хувьд өөр бөгөөд цөөн улс, орон тоглодог байна. Үндсэн рагбигийн холбооноос тусдаа рагбигийн лигийн холбоо зохион байгуулдаг гэдгээрээ онцлогтой.

2025 онд Эрэгтэй, эмэгтэй, тэргэнцэртэй дэлхийн аварга шалгаруулах тэмцээн, мөн "бага насны тэмцээн" гэж нэрлэсэн тэмцээнүүдийг нэгэн зэрэг зохион байгуулахаар болжээ. Эрэгтэй, эмэгтэй, тэргэнцэрийн дэлхийн аварга шалгаруулах тэмцээнийг энэ оны сүүлээр Англид хамтран зохион байгуулах гэж байгаа бөгөөд коронавирусын улмаас 12 сараар хойшлогдсон ч өсвөр үеийнхний тэмцээн 2025 онд анх удаагаа зохиогдох юм.
Франц улс өмнө нь 1954, 1972 онуудад эрэгтэйчүүдийн ДАШТ-ийг хоёр удаа зохион байгуулж байжээ. Франц улс өмнө нь хэзээ ч эмэгтэйчүүдийн тэмцээнийг зохион байгуулж байгаагүй ч 2017 онд тэргэнцэртэй рагбигийн лигийн дэлхийн аварга шалгаруулах тэмцээнийг зохион байгуулсан. Францын баг тэргэнцэртэй рагбигийн лигийн дэлхийн аварга шалгаруулах тэмцээнд түрүүлсэн боловч тус улс эрэгтэй, эмэгтэй төрөлд өмнө нь түрүүлж байгаагүй.

Францын рагбигийн холбооны дагуу маргааш олон улсын рагбигийн лигийн холбооны ерөнхийлөгч Трой Грант болон Францын лигийн холбооны ерөнхийлөгч Люк Лакосте нар оролцсон хэвлэлийн бага хурал дээр Францыг 2025 оны зохион байгуулагчаар баталгаажуулна. Францын Ерөнхий сайд Жан Кастекс тэмцээний талаарх үйл ажиллахааг нээхээр төлөвлөж байгаа гэнэ. Ийнхүү Францын нийслэл Парис хотноо Олимп, Паралимпийн наадмыг зохион байгуулснаас хойш нэг жилийн дараа Рагбигийн лигийн дэлхийн аварга шалгаруулах тэмцээн болох гэж байна. Дашрамд сонирхуулахад, Франц улсад 2023 онд рагбигийн үндсэн төрлийн ДАШТ мөн зохиогдоно.