Блэйк Гриффин зодог тайлж буйгаа Instagram хуудсаараа дамжуулан урт захидал болгож бичиж, мэдэгдлээ. Нэгэн цагт супер од шилдэг довтлогч гэгдэж байсан тэрбээр NBA-д олон жил тоглосондоо талархлаа илэрхийлэв.

Гриффин нэг тоглолтод дунджаар 19 оноо, 8 самбар, 4 оновчтой дамжуулалт өгч замналаа өндөрлүүлсэн. Тэрбээр карьераа Лос Анжелес Клипперсээс эхлүүлж, эцэст нь Детройт Пистонсын эгнээнд тоглосон. Мөн Гриффин Брүүклин Нетс, Бостон Селтикс багуудад тоглож байв.

Гриффин Instagram болон X дээр өөрийн 13 жилийн замналын тухай эргүүцэлсэн бодлоо нийтэлсэн бөгөөд тэрбээр сагсан бөмбөгийг хамгийн өндөр түвшинд тоглож чадсандаа талархаж байгаагаа илэрхийлж, мөн түүнд тусалсан гэр бүл, төлөөлөгчдөө талархал илэрхийлэв.

"Би өөрийгөө сагсан бөмбөгийн тухай захидал бичиж, зодог тайлж байгаагаар хэзээ ч төсөөлж байгаагүй... Тэгээд ч би тэгэхийг хүсээгүй. Гэхдээ би карьераа эргэцүүлэн бодох тусам тэр мэдрэмж минь илүү нэмэгдэх болжээ. Миний илэрхийлэхийг хүссэн нэг зүйл бол талархал байлаа.

Би зөвхөн сайхан мөчүүдэд ч биш. Ялалт, ололт амжилт, тохолтууд, гэр бүл, найз нөхөд, шүтэн бишрэгчид, багийн андууд, дасгалжуулагчидтайгаа өнгөрүүлсэн мартагдашгүй мөчүүдэд талархаж байна. Миний амьдралд асар их хувь нэмэр оруулсан хүмүүс байгаа. Гэхдээ энэ богино захидалдаа би эцэг эх, Томми, Гэйл, ах Тейлор нартаа надад болзолгүй дэмжлэг үзүүлж, удирдан чиглүүлсэнд нь талархах ёстой. Оюун санаанд минь тууштай дуу хоолой болж миний өрсөлдөөн тоглолтуудад зөвлөж ирсэнд баярлалаа." гэжээ

Гриффин хамгийн сүүлд 2022-2023 оны улиралд NBA-д тоглож, Бостон Селтикс багийн бүрэлдэхүүнд 41 тоглолтонд оролцож, 41 тоглолтод 4,1 оноо, 3,8 самбар, 1,5 оновчтой дамжуулалт дунджилжээ. Гриффин лигт тоглож байх хугацаандаа 49,3%-ийн шидэлт хийж, Клипперстэй тоглож байхдаа шүтэн бишрэгчдээ гайхшруулам оргил тоглолтуудыг үзүүлдэг байсан тул сүүлийн улирлын үзүүлэлт нь түүний карьер дахь улирлын хамгийн бага дундаж үзүүлэлт байв.

Түүний замналыг эргэн санавал:

2009 оны драфтын 1-р сонголт Гриффин 2009-2010 оны улиралд өвдөгний бэртлийн улмаас оролцох боломжгүй байсан. Гэсэн хэдий ч тэрбээр дараа улиралд нь лигт тоглон богино хугацаанд амжилт үзүүлж, 22.5 оноо дунджилж оны шилдэг шинэ тоглогчоор шалгарсан нь 1989-90 онд Дэвид Робинсоноос хойш ийм амжилт үзүүлсэн анхны тоглогч болсон юм.

2010-2011 онд Гриффн Бүх оддын тоглолтод оролцож, Слэм Данкын тэмцээнд машин дээгүүр үсэрч тохолт хийсэн үзүүлбэрээрээ түрүүлсэн. 2013-14 оны улиралд тэрбээр MVP санал хураалтаар Кевин Дюрант, Леброн Жэймс нарын дараа гуравдугаар байр эзэлсэн.

Гриффин 2010-2018 онд Детройт Пистонс багт тоглосон. Клипперстэй хамт байх хугацаандаа тэрбээр 21.6 оноо дунджилж, Бүх NBA-ийн хоёрдугаар багийг гурван удаа (2012-14), 2015 онд Бүх NBA-ийн гуравдугаар багт шалгарч, 2019 онд Пистонстой энэ хүндтэй амжилтыг давтан үзүүлж байсан.

Гэсэн хэдий ч Гриффин, Клипперс нар хэзээ ч Өрнөд бүсийн финалд хүрч чадаагүй. 

Гурав хүрэхгүй улирал Пистонстой тоглосны эцэст Гриффиныг баг нь худалдаж авахаас татгалзсан. Тэрбээр 2021 онд Брүүклин Нетс багтай гэрээ байгуулж, Селтикстэй гэрээ байгуулахаасаа өмнө тэнд нэг улирлыг өнгөрүүлсэн.

Ерөнхийдөө Гриффин Клипперсийн түүхэн дэх 2 -т бичигдэх мэргэн бууч (10,863) бөгөөд тоглосон тоглолт, оновчтой дамжуулалт, бөмбөг бөмбөг авалт, самбараас бөмбөг авалт, талбайн гоол, торгуулийн шидэлт зэргээрээ багийн шилдэг 10-т багтжээ.