Коллежийн сагсан бөмбөгийн онооны дээд амжилтыг шинэчлэн тогтоож шуугиан тариад байсан Кэйтлин Кларк WNBA-ийн драфтын нэг дэх сонголтоор Индиана Феверс багт нэгдлээ. Хойд Америкийн эмэгтэйчүүдийн сагсан бөмбөгийн хамгийн том лиг болох WNBA-ын 2024 оны драфт өнөөдөр болж өнгөрлөө. Энэхүү драфт нь 2014-16 оны давталтаас хойш анх удаа шүтэн бишрэгчид нь үзэж буйгаараа онцлог болсон байна. 1000 үзэгчийн тасалбар сарын өмнө худалдаанд гарч, 15 минутын дотор дууссан аж. 

Коллежийн сагсан бөмбөгийн од Кэйлтин Кларк энэ оны хоёрдугаар сарын сүүлээр коллежид үргэлжлүүлэн суралцахын оронд WNBA-д тоглох шийдвэр гаргаснаа зарласан байна. Улмаар драфтын тэргүүн сонголт бараг л тодорхой болсон юм. 

Кэйтлин Кларкийн энэ коллежид үзүүлсэн амжилтууд: 

•1-р дивизионы түүхэнд бүх цаг үеийн хамгийн олон оноо авсан тоглогч /эр, эм/

•1-р дивизионд багадаа +3000 оноо, +750 самбар, +750 оновчтой дамжуулалт гүйцэтгэсэн цорын ганц тоглогч /эр, эм/

•3000 оноо, 1000 оновчтой дамжуулалт түүхэн дэх анхны тоглогч /эр, эм/

• NCAA-ийн тэмцээнд авсан оноо, оновчтой дамжуулалт, 3 онооны шидэлтээр бүх цаг үеийг тэргүүлсэн.

• 3 өөр улиралд (2020-21, 2021-22, 2023-24) оноогоороо бүх сургуулиа тэргүүлсэн түүхэн дэх анхны тоглогч болсноор коллежийн замналаа өндөрлүүлсэн байна. 

Кларк хамт сонгогдож буй драфтын ангийнхандаа хандаж “Хэрвээ та бүхэн зүгээр л ширээний ард суугаад нэрээ дуудуулахыг хүлээж байгаа бол харамсалтай байна. Энэ мөч амьдралын хамгийн чухал мөчүүдийн нэг байх. Сэтгэл хөдлөлөө битгий нуугаарай. Би гэр бүлийнхэнтэйгээ хамт ирсэн. Сагсан бөмбөг замналаа эхлүүлэхэд гэр бүлийнхэнтэйгээ хамт байхгүй нь ойлгомжтой. Тийм болохоор энэ мөчийг тэдэнтэй хуваалцаж, таашаал авч, энэ мөчийг онцгой үдэш болгомоор байна” гэжээ.