Цахим спортын томоохон платформ HLTV СS2 төрлийн энэ оны байрлал бүрийн шилдэг тоглогчдыг тодруулахаар нэр дэвшигчдээ зарласан байна. Манай улсаас энэ онд Тив, Дэлхийд олон амжилт, түүх бүтээсэн The Mongolz багийн гурван тоглогч болон дасгалжуулагчид өөрсдийн байрлалдаа дэлхийн шилдгүүдтэй мөр зэрэгцэн өрсөлдөж байна.
HLTV энэ оны шилдгүүдэд нийт 10 хүн нэр дэвшүүлж буй. Эдгээр шагналыг HLTV-ийн таван ажилтан, арван нэвтрүүлэгч зэрэг хорин төлөөлөгчөөс бүрдсэн баг санал хураалтаар тодруулдаг байна.
Шагналыг CS2-ийн AWPer, Opener, Closer, Anchor, IGL-Coach хослол зэрэг тус тусын үүргээр нь оны шилдэг тоглогчдоос тодруулна. Санал хураалт өнөөдрөөс эхэлж, 12-р сарын 28-нд шалгарсан гурван оролцогчийг зарлаж, 1-р сарын 11-нд 1XBET-тэй хамтран HLTV Awards-ын ялагчдыг тодруулна гэнэ. Ингээд манай The Mongolz багийн тамирчид ямар төрлүүдэд өрсөлдөж байгааг танилцуулъя:
