2022 оны хөлбөмбөгийн дэлхийн аварга шалгаруулах тэмцээн эхлэхэд 100 хүрэхгүй хоногийн хугацаа үлдээд байна. 2026 оны үеэр томоохон өөрчлөлтүүдийн өмнө одоогийн хэлбэрийг харуулах хамгийн сүүлчийнх ДАШТ болж байгаа гэдгээрээ онцлогтой. Катар 2010 онд АНУ, Өмнөд Солонгос, Япон, Австралийг ялж, зохион байгуулах эрхээ авсан. Анх удаагаа хөлбөмбөгийн ДАШТ өвөл болно гэдгээрээ ч онцлогтой. Катарт 6, 7-р сарын халууныг даван туулж, хэт халуунд тоглох нь эрүүл мэндэд хортой учраас эрсдэлээ зайлсхийж 11, 12 сарыг сонгосон. 11-р сарын 20-ноос 12-р сарын 18-ны хооронд орчин үеийн 8 цэнгэлдэх хүрээлэнд 64 тоглолт болох бөгөөд Катар улс Ойрхи Дорнод болон Арабын ертөнцөд анх удаа ДАШТ-д оролцох дэлхийн шилдэг олон улсын багийг угтан авч байна. Олон, олон онцлогийг шингээсэн тэмцээн эхлэхэд 90 гаруй хоног үлдээд байгаа энэ үед зохион байгуулагчид дэлхий нийтэд уриалга мэдээлэл гаргасан юм.
22 дахь удаагийн хөлбөмбөгийн дэлхийн аварга шалгаруулах тэмцээн нь Катар болон бүх бүс нутгийн хувьд өөрчлөлт хийх болно. Энэхүү тэмцээн нь ирээдүйн мега арга хэмжээг зохион байгуулагчдын стандартыг тогтоодог өв залгамжлалыг өгөх болно гэж үзэж байна. Катар-2022 Хүргэлт ба өв залгамжлалын дээд хорооны ерөнхий нарийн бичгийн дарга Хассан Аль Тавади, Катарын үндэсний баяраар Лусаил цэнгэлдэх хүрээлэнд болох шигшээ тоглолт нь тус улс 2010 онд зохион байгуулах эрхийг авснаас хойш 12 жилийн аялалын оргил үе байхыг онцолж байна.
"Бид харьцангуй богино хугацаанд ийм урт замыг туулсан. Дэлхийн аварга шалгаруулах тэмцээнийг зохион байгуулсан нь манай агуу улсын хөгжлийг хурдасгаж, Катар 2030 он хүртэлх үндэсний үзэл баримтлалд нийцсэн. Бид гайхалтай дэд бүтцийг барьж, дэлхийн жишигт нийцсэн спорт, арга хэмжээний салбарыг хөгжүүлж, Катар болон ард түмэнд тус дөхөм үзүүлэх хүний болон нийгмийн төслүүдийг хэрэгжүүлсэн. Бид эхний өдрөөсөө л дэлхийн аварга шалгаруулах тэмцээнийг зохион байгуулах нь хөлбөмбөгөөс хамаагүй илүү зүйл гэдгийг хэлсэн. Энэ нь үе үеийнхэнд урам зориг өгөх, Катар болон Арабын ертөнц даяарх залуучуудад юу боломжтойг харуулах явдал юм. Бидний цөөхөн хүн Катар ийм хэмжээний тэмцээн зохион байгуулна гэж мөрөөддөг байсан ч одоо биднийг хараарай." гэж Аль Тавади хэлжээ.
Фэнүүд Катарт ирэхэд бидний халуун дотно зочломтгой байдал, бидний хөлбөмбөгт дуртай сэтгэлийг мэдрэх болно. Хэрэв та хөлбөмбөгт дуртай бол энэ нь таны байх ёстой газар байх болно. Бидний бэлтгэсэн орчинд та урьд өмнө байгаагүй тэмцээний нэг хэсэг байх болно. Талбай дээрх үйл ажиллагаанаас хол байсан ч хийх зүйл маш их байх болно, жуулчдын сонирхлыг татах газрууд, олон зугаа цэнгэлийн сонголтууд байгаа. Би хүн бүрийг тасалбараа худалдаж аваад түүхэнд байгаагүй дэлхийн аварга шалгаруулах тэмцээнийг үзэхийг уриалж байна." гэж “FIFA World Cup Катар 2022”-ий Гүйцэтгэх захирал Нассер Аль Хатер онцолсон байна.
