Атланта Хокс баг өнөөдөр Индиана Пэйсерс багтай тоглож, олон онооны харьцаатай ялагдал хүлээсэн ч  Хоксоос Трей Янг франчайзын нэгэн амжилтыг эвдллээ. Хокс багийн холбон тоглогч асан, одоогийн Милуоки Бакс багийн ахлах дасгалжуулагч Док Риверсийн оновчтой дамжуулалтын дээд амжилтыг Трей Янг гүйцэж, багийнхаа дамжуулалтын лидер болжээ. 

Өнөөдрийн тоглолтод Янг 12 оноо, 12 оновчтой дамжуулалт өгсөн бол тэрбээр карьертаа 3867 оновчтой дамжуулалт өгөөд байна. Янг дөнгөж 25 настай. Түүнд Атланта Хокс багт бүх цаг үеийн хамгийн шилдэг амжилтыг эвдэх өөр нөөц боломжууд бий. 

Тоглолтын дараа Янг: 

"Багийнхаа нэг хэсэг байх нь ивээл юм. Оновчтой дамжуулалт гэдэг бол зөвхөн надаас шалтгаалах зүйл биш юм.. Энэ төрлийн рекордыг маш хурдан эвдэж чадсаны шалтгаан бол олон жилийн турш надад үнэхээр сайн багийн найзууд байсан." гэжээ.