Blast Premier Bounty S2 тэмцээний хагас шигшээд Mongolz-ын залуус Team Vitality багтай учраа таарч 2:0 /13:7, 13:11/ харьцаагаар буулган авч Финалд шалгарлаа.
финалд шалгарахаас илүүтэй тэдний хувьд 9 удаа учраа таарч ялагдаад байсан багаа буулган авч ялагдлын цувралаа зогсоосон нь хамгийн чухал зүйл байсан болов уу.
2024.03.22-ны өдөр анх учраа таарсанаас хойн эхний 4 тоглолтод 1 ч map-д ялалт авч чадаагүй бол 2025.03.16-нд таарч тоглохдоо 1:2 ээр хожигдсон. Үүнээс хойш 2025.05, 06 саруудад таарч мөн л 1:2 харьцаагаар хожигдсон. 2025.06.23-ны өдөр Мажорын финалд эхний мап-аа авч сүүлийн 2 мап-д харамсалтайгаар хожигдсон зэргээр хожигдлын гашуун цуврал үргэлжилж байсан бол тэд өнгөрсөн шөнө Vitality-д зориулан бэлдсэн тактик, өмнөх алдаанууд, сэтгэлзүй, тэднийг ялна гэсэн итгэлээ бүрэн дүүрэн ашиглаж 2:0 харьцаагаар яллаа.
