АНУ-д зохион байгуулагдаж буй клубүүдийн ДАШТ цоо шинэхэн форматаар амжилттай үргэлжилж байна. Шөвгийн 16-ийн тоглолтууд маш сонирхолтой болж байна.

H хэсгийн нэгдүгээр байраар шалгарсан Испанийн эзэн хааны Real Madrid клуб G хэсгийн хоёрдугаар байраар шалгарсан Италийн алдарт Juventus клубүүдийн хооронд гоёмсог тоглолт боллоо. Тоглолтын эхнээс Испанийн Real Madrid клуб довтолгоо эрчимтэй хийж Juventus клуб сөрөг довтолгоог үүсгэж байв. Тоглолтын эхний хагаст гоол оролгүй 0:0 харьцаатай өндөрлөж хоёрдугаар хагасын 54 дэх минутад Real Madrid клубт нэгдээд удаагүй байгаа Английн шигшээ багийн жигүүрийн хамгаалагч Trent Alexander-Arnold-ийн дамжуулалтаар залуу довтлогч Gonzalo García мөргөж гоол оруулан Испанийн алдарт Real Madrid клубийг шөвгийн наймд шалгаруулсан үнэ цэнтэй гоол байлаа. Тоглолт үндсэн цагт 1:0 харьцаатай Испанийн эзэн хааны Real Madrid клубийн хожлоор дуусаж тэд шөвгийн наймд Германы алдарт Borussia Dortmund клубтэй тоглохоор боллоо.

F хэсгийн нэгдүгээр байраар шалгарсан Германы алдарт зөгийнүүд буюу Borussia Dortmund клуб E хэсгийн хоёрдугаар байраар шалгарсан Мексикийн хамгийн том клуб болох Monterrey клубүүдийн хооронд ширүүхэн тоглолт боллоо. Тоглолтын 14 дэх минутад Karim Adeyemi-ийн дамжуулалтаар Serhou Guirassy гоол оруулж Хар-шарууд 1:0 харьцаатай тэргүүл эхлэв. Улмаар тоглолтын 24 дэх минутад Хар-шаруудын сөрөг довтолгоо амжилттай болж Karim Adeyemi-ийн дамжуулалтаар Serhou Guirassy гоол оруулж 2:0 болгон эхний хагаст Германы Borussia Dortmund клуб илүүрхэв. Тоглолтын хоёрдугаар хагас эхлээд 48 дахь минутад Monterrey клубийн Érick Aguirre-ийн мөргөж өгсөн дамжуулалтаар Germán Berterame гоол оруулан 2:1 болгон ойртуулсан ч үндсэн цагт ахиж хаалганы тор хөдөлсөнгүй Германы алдарт Хар-Шарууд буюу Borussia Dortmund клуб шөвгийн наймд шалгарч хүчирхэг Real Madrid клубтэй тоглохоор боллоо. Энэхүү тоглолтод ах дүү Bellingham-ийн клубүүд хоорондоо таарсан ч дүү Bellingham хуудасны торгуулийн улмаас оролцох боломжгүй болжээ.

Шинэ форматаар явагдаж буй клубүүдийн ДАШТ шөвгийн найман баг тодорхой боллоо.