Монгол улсын шийслэл Улаанбаатар хотын төв талбайд зохиогдож буй сагсан бөмбөгийн 3х3 төрлийн ДАШТ тав дахь өдрөө амжилттай үргэжилж байна. Өнөөдөр Монгол улсын эмэгтэй шигшээ баг дахин нэг түүх бүтээлээ. Учир нь Олимпын хүрэл медальт, ДАШТ-ий аварга, хүрэл медаль, ААШТ-ий иж бүрэн медальт, энэ тэмцээний чансааны нэгт бичигдэж байсан БНХАУ-ын шигшээ багийг нэмэлт цагт 21-19 харьцаатай, эх нутгийнхаа талбайд буулгаж авлаа.

Тус тоглолтод Б.Ариунцэцэг 9 оноо, 6 самбар /хожлын оноо/, О.Хулан 8 оноо, 1 самбар, Н.Нандинхүсэл 4 оноо 3 самбар тус тус авсан байна.

Шигшээ наймд манай баг тэмцээний B хэсгээс нэг ч хожигдолгүй 1-р байраар шалгарсан АНУ-ийн шигшээ багтай маргааш буюу 06-р сарын 28-нд 19:25 цагаас тоглоно.

Монгол улсад анх удаа зохиогдож буй ДАШТ-ий Плэй-Ин буюу шигшээ наймд шалгарах эрхийн төлөөх тоглолтууд өнөөдөр болж өндөрлөлөө.

ЭМЭГТЭЙ

Недерландын шигшээ баг Унгарыг 21-9 харьцаатай буулган авч шигшээ наймд Австралын шигшээ багтай өрсөлдөхөөр боллоо.

Канадын шигшээ баг Японыг 18-6 аар бут ниргэж, Испанитай шигшээ 8-д тоглоно.

Польшийн шигшээ Германыг эцсийн мөчид 20-18 харьцаатай буулган авч хасагдах шатанд Францын шигшээ багтай.

Харин манай Монголын шигшээ баг БНХАУ-ын багийг нэмэлт цагт 21-19 өөр буулган авч, хасагдах шатанд АНУ-ын багтай учраа таарлаа.

ЭРЭГТЭЙ

Пуэрто Рикогийн шигшээ Японд боломж олголгүй 22-14 өөр бут ниргэж, аваргаа хамгаалагч хүчирхэг Сербийн шигшээ багтай хагас шигшээд өрсөлдөнө.

Латвийн шигшээ баг Австрийн шигшээ багийг эцсийн мөчид 20-18 харьцаатай буулган авч, Швецарийн шигшээ багтай өрсөлдөнө.

Испаний шигшээ Австралийг 21-10 харьцаатай бут ниргэлээ. Тэд хасагдах шатанд БНХАУ-ын багтай өрсөлдөнө.

Германы шигшээ баг Недерландыг 16-10 аас барьж 19-18 харьцаатай буулгаж аван хагас шигшээд АНУ-тай тоглохоор болж байна.

Маргаашийн тоглолтын хуваарь

17:00 цагаас Australia vs Netherlands  эм

17:25 цагаас Canada  vs Spain  эм

18:00 цагаас Serbia vs Puerto Rico эр

18:25 цагаас Latvia  vs Switzerland эр

19:20 цагаас Mongolia vs United States эм

19:45 цагаас France  vs Poland эм

20:20 цагаас China vs Spain эр

20:45 цагаас Germany vs United States эр