Сагсан бөмбөгийн 3х3 төрлийн Улаанбаатар Чалленжер тэмцээн өнгөрсөн амралтын өдрүүдэд “Royal Event Hall”-д боллоо. Тэмцээнд 7 улсын 14 баг оролцлоо. Аваргын төлөө манай улсын Улаанбаатар ММС Энержи баг, Литвийн Сакиай багууд шалгарсан. Цогтын Отгонжаргал, Энхбатын Дөлгөөн, Даваасамбуугийн Дэлгэрням, Стив Сөр нарын бүрэлдэхүүнтэй УБ ММС Энержи баг хагас шигшээд Нидерландын Амстердам багийг 20-17-аар хожиж, шигшээд шалгарсан. Тэд Амстердам багтай өмнө нь хоёр удаа тоглож, хоёр хожигдож байсан бол талбайдаа болсон тоглолтонд илүүрхсэн. Улмаар нуруу өндөр, хүчирхэг Сакиай багтай таарсан ч хөгжөөн дэмжигчдийнх нь өмнө Литвийн баг ялалт байгуулж, Прага Мастерс тэмцээнд оролцох тасалбараа авсан. Ийнхүү Литвачууд улирлын анхны Чалленжер тэмцээндээ түрүүллээ. Гуравдугаарт эрэмбэлэгдсэн Сакиай эхний тоглолтондоо Уцуномияа (Япон)-ын эсрэг 21:19-ийн харьцаатай тоглож, улмаар 21:14-өөр "Улаанбаатар ММС Энержи"-д хожигдож эхний өдрийг дуусгахаас өөр аргагүйд хүрсэн. Тэд хоёр дахь өдөр 1-р байр эзэлсэн Бельгийн Антверпен багтай тоглож, улмаар хагас шигшээд хамгаалалтын мэргэжилтэн Дюссельдорфын LFDY-г хожсон юм. Шигшээд тэд УБ ММС Энержиг хожиж, алсын зайн 2 онооны шидэлтүүдээ байндаа тусгаж байснаар аваргаар тодорсон.
Харин манай улсын “Улаанбаатар ММС Энержи” баг дэд байр эзэлж, 10 мянган ам.долларын эзэд боллоо. Монголын №1 баг хоёр дахь удаагаа талбайдаа хоёрдугаар байр эзэллээ. Тэд энэ сарын эхээр FIBA 3x3 Ulaanbaatar Super Quest 2022 тэмцээнд мөн хоёрдугаар байрт шалгарсан. Манай улсын баг ирэх амралтын өдөр болох Манила Мастерс тэмцээнд оролцохоор бэлтгэлээ базааж байгаа нь Улаанбаатар MMC Energy-д амжилтаа ахиулах боломж их байгаа.
"Улаанбаатар ММС Энержи" финалд шалгарах замдаа ялагдалгүй байсан нь хагас шигшээд хоёрдугаар байр эзэлсэн Амстердам (Нидерланд) багийг сэтгэл хөдөлгөм хожсоноор нотлогдож байгаа юм. Шийдвэрлэх тоглолтод Сакиайд хожигдсон ч “Улаанбаатар ММС Энержи” хүчтэй өрсөлдөгчид гэдгээ харуулж чадсан. Олон улсын мэргэжилтнүүд Д.Дэлгэрням, Э.Дөлгөөн, Стив нарыг гурван толгойтой мангас гэж ярилцаж байна. Манай баг мөн “Прага Их дуулга” тэмцээнд оролцох эрхтэй болсон юм. Баг тамирчид хэдхэн хоногийн дараа Филлипин улсад дараагийнхаа тэмцээнд оролцох юм.
Н.Бэлгүүн
