Хятадын поп од И Янгянси ирэх жилийн өвлийн олимпийн уриаг хөгжмийн хэлбэрээр өөрчилсөн "Бээжин 2022"-д зориулсан албан ёсны дуугаа бичүүлжээ. Дууны клип нь наадамтай холбоотой хүмүүсийн бодит түүхийг харуулсан байна. Өвлийн олимпийн 30 удаагийн хээг сэдэвчилэн тамга болгон сийлсэн Бээжингийн иргэн, спортын хорхойтон 60 настай Гон Хубиао тэргүүтэй хүмүүс клипэнд тусгагджээ. 
Хятадын ГХЯ-ны төлөөлөгч Жао Лижиан "Та нарын олонхын нэгэн адил би энэ дууны клипийг үзсэн. Амьдралын бүхий л давхаргын хүмүүс өвлийн олимп, паралимпийн наадмыг хэрхэн баяр хөөр, сэтгэл догдлон хүлээж байгааг харуулсан олон түүхээс бүрдсэн бүтээл болсон. Хүмүүсийн өдөр тутмын амьдралын сэтгэлийг дулаацуулсан хэсгүүдээр дамжуулан энэ дуу, видео нь Бээжин хот зуны болон өвлийн олимпийн наадам зохион байгуулагдаж буй хот болох хөгжлийг харуулж, олон нийт уг наадмыг тэсэн ядан хүлээж байгааг харуулж байна. Яг дууны үг шиг "Хамтран ирээдүйн төлөө” гэжээ.  
Бээжингийн Өвлийн Олимп дэлхийн өнцөг булан бүрээс өвлийн спорт сонирхогчдын хүсэл тэмүүллийг бадрааж, мөс, цасны зугаа цэнгэлийг олон хүнд мэдрүүлнэ гэдэгт итгэлтэй байна. Энэ бол Бээжин 2022-д зориулсан хамгийн сүүлийн үеийн хөгжмийн санал юм. Бээжингийн телевизүүд энэ дуугаар дамжуулан наадмыг сурталчлахын тулд кампанит ажил эхлүүллээд байгаа юм. Үүнд 100 сошиал медиа нөлөөлөгчид багтжээ.