Спортын түүхэнд гэмтэл бэртэл гэдэг хэний ч хүсдэггүй зүйлсийн нэг билээ. 

Лигийн түүхэнд төрөн гарсан гайхамшигтай шидэгчдийн нэг Damian Lillard-тай холбоотой таагүй мэдээ гарсан.

2025 оны 3-р сарын 25-нд Milwaukee Bucks багийн хамгаалагч Damian Lillard баруун шилбэндээ гүн венийн тромбоз (DVT) буюу бидний мэдэхээр цусны бүлэгнэл өвчнөөр оношлогдсон тухай баг нь мэдэгдсэн. 

Тэрээр цус шингэлэх эмчилгээ хийлгэж байгаа бөгөөд энэ нь цусны бүлэгнэлтийг тогтворжуулсан байна. Энэхүү эмчилгээ хийх явцад тамирчин мөргөлдөх болон гэмтэх үед хэт их цус алдах эрсдэлтэй байдаг.

Одоогоор Damian Lillard дахин хэзээ талбайд гарах нь тодорхойгүй байна.

Цусны бүлэгнэл гэх өвчнөөр оношлогдсон лигийн одууд:

Chris Bosh - 2015 онд энэ өвчнөөр анх оношлогдож, уушги руу нь бүлэгнэсэн цус очсон байжээ.

Тэрээр цус шингэлэх эмчилгээ хийлгэсэн боловч өвчин нь 2016 онд дахин сэдэрсэн тул NBA-н карьераа дуусгах шаардлагатай болсон.

Түүний гэмтлээс үүдэн спорт сонирхогчид энэ өвчний талаар мэддэг болсон

Victor Wembanyama - 2025 оны 2-р сард баруун мөрөндөө гүн венийн тромбоз (DVT) өвчнөөр оношлогдсон бөгөөд энэ нь түүнийг энэ улиралд үргэлжлүүлэн тоглох боломжгүй байдалд хүргэсэн. 

DVT нь ихэвчлэн хөлийн гүн судсанд үүсдэг боловч Victor Wembanyama-н хувьд мөрөнд үүссэн нь ховор тохиолдол юм. 

Түүний өвчний талаар дэлгэрэнгүй мэдээлэл хараахан гараагүй байна.