Жордан Пүүл, Кайл Кузма тэргүүтэй Уашингтон Визардсийн залуучууд энэ улирал учраа олоогүй хэвээр л байна. Тэд энэ 11-р сард нэг ч хожил байгуулаагүй явна. Улирал эхэлснээс хойш тэд ердөө хоёрхон хожил байгуулсан. 10-р сарын 28, 30-нд Алтанта Хокс багийг хоёр хожсоноор өөр ямар ч тоглолтод ялалт байгуулаагүй.
11-р сард тэд нийтдээ 14 тоглолт дараалан хожигдлоо. Өрсөлдөгч багтаа тэд 123.1 оноо алдаж, хамгаалалтаараа лигийн 29-р байранд. Өөрсдөө 108.1 оноо авч довтолгоогоороо 25-р байр, 41.9 самбар дунджилж 25-р байр, 24.6 дамжуулалт дунджилж, 22-р байранд бичигдэж байна. Нэг үгээр тэдэнд болж бүтэж байгаа зүйл нэг ч алга. Дорнод бүст 2-16 амжилттай бүсийнхээ хамгийн сүүлийн байранд явна. Драфтын эрхийн төлөө унана гэхэд арай л хэтрүүлээд байна уу?
