НБА-ийн түүхэн дэх бүх цаг үеийн хамгийн шилдэг тоглогчийн талаарх маргаан үргэлж явагддаг. Харин энэ мэтгэлцээнд өөрийн саналаа Энтони Дэвис тодорхой хэлжээ. Дэвис Fox Sports сувгийн Мелисса Рохлинд өгсөн ярилцлагадаа Лос Анжелес Лэйкерс багийн хамтрагч Леброн Жэймсийг бүх цаг үеийн хамгийн шилдэг гэх цолыг хүртэх эрхтэй хэмээн үзэж байгаа ба яагаад ингэж бодох болсноо тайлбарласан байна.

Дэвис "Тэр бол 40,000-аас дээш оноо авсан цор ганц тоглогч. Бараг бүх үзүүлэлтийг эвдэж яваа, талбай дээрх хамгийн шилдэг тамирчин. Тиймээс танай багт ийм залуу байгаа л бол олны анхаарлыг үргэлж татах болно. Мөн түүний IQ нь маш өндөр, тэр хамгийн зөв тоглогдог. Одоо бодоход тэр бага зэрэг амжилт нь муудаж байгаа нь ойлгомжтой. Нас ахисан ч, чадах зүйлээ хийж чаддаг хэвээр байгаа нь тэр өндөр түвшинд өрсөлдөх чадвартай гэдгээ орой болгон харуулж байна."

Леброн Жэймс энэ улиралд 20 тоглолтод гараанд гарахдаа 22.6 оноо, 8.1 самбар, 9.4 оновчтой дамжуулалт дунджилж байна. Түүний одоогийн онооны дундаж нь 2003-2004 оноос хойших хамгийн бага оноо болж байгаа ч улирлын төгсгөлд 40 хүрсэн байх ахмад тоглогчийн хувьд үнэхээр гайхалтай амжилт хэвээр байна.

Дэвис мөн Лайкерсийн ирээдүйн талаар "Бид өмнөх жилүүд болон энэ жил ярьж байсан зүйлээ хийхийн тулд яг одоо тоглож байгаа шигээ тоглох ёстой гэдгийг би мэдэж байна. Мөн хүмүүсийн ярьдаг шиг "Хөөе, энэ бол танай баг, би чамд түлхүүрийг нь өгч байна. Чи ирээдүйг нь удирд" гэх мэт яриа хэзээ ч байгаагүй” гэжээ.

Леброн бид хоёр дахин аварга авахыг хүсэж байна. Би дахин аварга болмоор байна. Аваргын парад хийхийг хүсэж байна. Би үүнийг мэдрэхийг хүсэж байна. Леброн хүсэж байгааг ч мэдэж байна. Манай багийн зарим залуус анхны аваргаа авахыг хүсэж байгааг мэдэж байна. Бүгд бие биеийнхээ төлөө тоглож, нэг зорилгын төлөө зөв тоглохыг хичээж байна гэжээ.