Хятадын Тайванийн Тайпей хотноо жил бүр уламжлал болон зохиогддог “Taipei Marathon” олон улсын марафон гүйлтийн тэмцээн энэ жил ч мөн адил амжилттай зохиогдлоо. Тус тэмцээнд манай улсын гүйлтийн тамирчин ОУХМ Галбадрахын Хишигсайхан оролцож, барианд 2.28.33 минутад гүйн орж ирж хоёрдугаар байрт шалгарсан байна. Өмнө нь түүний амжилт 2:32:09 байсан бол ийнхүү дээрх амжилтыг үзүүлснээр хувийн амжилтаа шинэчлэн тогтоожээ. Эмэгтэйчүүдийн ангилалд түүний өмнө Этиоп улсын тамирчин 2:27:14 секунд хурдалж тэргүүн байранд шалгарсан байна. 

Марафон тэмцээн Тайпей хотын төв талбайгаас эхэлж, “Тайпей” цэнгэлдэх хүрээлэнд өндөрлөх маршруттай байсан ба нийт олон улсын 28.000 орчим тамирчид, сонирхогчид оролцсон байна. 1986 оноос хойш зохиогдож буй Тайпей марафон нь 2021 онд “Дэлхийн хөнгөн атлетикийн байгууллагаас элит ангиллын тэмцээнд шалгарч, батламж хүртсэн. Тайванийн анхны олон улсын гэрчилгээтэй хотын марафон болсон билээ.