Хөлбөмбөгийн 2022 оны дэлхийн аварга шалгаруулах тэмцээнд оролцох үеэр Лионель Мессигийн өмсөж байсан долоон өмсгөлийн зургааг нь дуудлага худалдааны байгууллага “Sotheby's” өчигдөр 7.803 сая доллароор худалдсан байна. Аргентины цайвар цэнхэр, цагаан босоо судалтай зургаан өмсгөлийг Саудын Араб, Мексикийн эсрэг хийсэн хэсгийн гурван тоглолтын хоёрт нь өмссөн ба Австрали, Нидерланд, Хорватыг хасагдах шатанд хожсон тоглолтын өмсгөл мөн финалд Францын эсрэг хийсэн тоглолтод өмссөн өмсгөлүүдийг нь худалдаалсан байна. 

Дуудлага худалдааны “Sotheby's” байгууллагын тэргүүн Брам Вахтер "Эдгээр түүхэн өмсгөлүүд нь спортын түүхэн дэх хамгийн чухал мөчүүдийн нэгийг бодитоор санагалзуулна. Түүхэнд дэх хамгийн шилдэг хөлбөмбөгчдийн нэг Леонель Мессигийн замнал дахь шилдэг амжилттай холбоотой тул хэн бүхэнд үнэ цэнтэй байх болно” хэмээн мэдэгдсэн байна. 

Тус дуудлага худалдаанаас олсон орлогын тодорхой хэсгийг Лео Месси сангийн дэмжлэгтэйгээр ховор өвчнөөр шаналж буй хүүхдүүдэд тусалдаг ЮНИКАС төсөлд хандивлана. Мессигийн дурсгалын зүйлс хэр үнэтэйгээр зарагдсаныг дурдвал. 2022 оны дөрөвдүгээр сард 2017 оны Эль Класико-д Реал Мадридын эсрэг Барселонагийн төлөө тоглож байхдаа өмссөн өмсгөл Goldin Auctions-ээр 450,000 доллароор зарагдсан байна. Мессигийн 92 дахь минутад оруулсан гоол Барселонд ялалт авчирснаар түүний карьерын 500 дахь гоол болсон юм.