Цахим спортын CS2 төрлийн Intel Extreme Masters Katowice 2025 тэмцээнд Монголын The Mongolz баг маш амжилттайгаар өрсөлдөж байна.

Өнөө шөнө тэд Дэлхийн чансааны гуравдугаар эрэмбэлэгдэж буй, бүсийнхээ хамгийн хүчтэй баг NaVi-тай хэсгээс аль баг нь 1-р байраар гарах эсэхийг шийдэх, хариуцлагатай тоглолт хийх гэж байна. .

Ялалт байгуулсан баг нь шигшээ шатны шөвгийн 4 рүү шууд орох бол хожигдсон баг нь тэрний өмнөх буюу quarterfinals-с тоглолтоо эхлүүлэх юм.

Тоглолт өнөөдөр шөнө буюу 2-р сарын 4-с 5-ны өдөрт шилжих шөнийн 1:30-с эхлэх болно.

The Mongolz багийн хувьд тэмцээний B хэсгийн эхний тоглолтод Team Liquid-ийг 2-1 харьцаатай, өчигдөр Gamer Legion багийг 2-0 харьцаатай буулган авч, хэсгийнхээ шигшээ шатанд шалгарсан билээ. 1,000,000 ам долларын шагналын сантай уг тэмцээнд The Mongolz чансаагаараа шууд оролцож буй ба дэлхийн шилдэг 28 багтай өрсөлдөж, ийнхүү хэсгийнхээ шигшээ шатанд шалгарлаа.