Сагсан бөмбөгийн 3х3-ийн Азийн аварга шалгаруулах тэмцээний үндсэн хэсгийн тоглолтууд өнөөдөр эхэлж, хэсгийн шилдэгүүдээ тодрууллан, хасаг шатанд ямар багууд өрсөлдөх нь тодорхой боллоо.

ЭРЭГТЭЙ

B хэсэгт өнөөдөр хамгийн гайхалтай тоглолтоор өндөрлөлөө. Учир нь урьдчилсан шатнаас орж ирсэн Энэтхэг том сюрприз барьж, Хятадын Тайваныг хожсон ба хүчирхэг БНХАУ-ын эсрэг аль баг нь нэгдүгээр байраар гарахаа үзэв. Тоглолтын турш оноо тэнцүү, хүчтэй өрсөлдсөний эцэст БНХАУ-ын баг 19-19 байхад баззер хийн 1-р байраар шалгарлаа.

D хэсгийн өрсөлдөөн мөн адил өрсөлдөөнтэй өндөрлөв. Шинэ Зеланд, Катарын шигшээ багууд аль аль нь урьдчилсан шатнаас гарч ирсэн Вьетнамыг ялан нэгдүгээр байраар гарах эрхийн төлөө өрсөлдлөө. Шинэ Зеланд тоглолтыг 12-5 харьцаатайгаар тэргүүлж эхэлсэн ч Катарын шигшээ оноог ойртуулж, улмаар дээр нь гарч чадав. Туршлагатай Шинэ Зеланд эцсийн мөчид алсын зайн шидэлтээ амжилттай болгосноор тэд D хэсгийг тэргүүлэн шалгарч байна.

Ийнхүү хасагдах шатанд Шинэ Зеланд 1-ээр гарч 2-оор гарсан Энэтхэгтэй, БНХАУ 1-ээр гарч 2-оор гарсан Катартай тус тус оноолт таарч байна.

ЭМЭГТЭЙ

А хэсгийн тоглолт үнэхээр сонирхолтой болж өндөрлөлөө. БНХАУ, БНСУ, Шинэ Зеланд гэсэн гурван тус хэсэгт учраа таарсан. Шинэ Зеланд 18-17 харьцаатай БНХАУ-ыг буулгаж авсан бол БНСУ-ын шигшээ шуугиан тарьж Шинэ Зеландыг 18-9 харьцаатай хожив. Түүний дараа БНХАУ БНСУ-ыг 19-12 харьцаатай хожиж маш чухал хожил байгуулснаар онооны харьцаагаар БНХАУ 36 оноотойгоор 1-ээр, БНСУ 30 оноотойгоор 2-р байраар тус тус шалгарлаа.

С хэсэгт Японы шигшээ баг нэг ч хожигдолгүйгээр итгэл төгс 1-р байраар гарлаа. Харин хоёрдугаар байраар гарах эрхийн төлөө эзэн орон Сингапур болон Вьетнам тоглож, 21-10 харьцаатайгаар Вьетнамын ялалтаар өндөрлөлөө. Ийнхүү Японы шигшээ баг 1-ээр гарч нөгөө талд 2-оор гарсан БНСУ-ын шигшээ багтай, БНХАУ-ын шигшээ Вьетнамын шигшээ багтай хасагдах шатанд өрсөлдөхөөр боллоо.

Хасагдах шатны тоглолтууд 03-р сарын 30-ны өдөр эхэлнэ.

FIBA-ын албан ёсны хамтрагч 1хbet