Солилцооны цонх нээгдээд удаагүй байгаа энэ үед хамгийн эхний наймаа бол Деннис Шрөдерийг Уарриорс бараг үнэгүй авсан гэж хэлэхэд болно. Тэд түүний оронд Нетсд гэмтлийн улмаас улирал нь дууссан Мелтон болон хоёр дугаар тойргийн хоёр драфтын эрх л өгсөн. Товчхондоо маш том хулгай гэж хэлэхэд болно.

Харин энэхүү хөдөлгөөн шилжилтийн дуусах хугацаа 2-р сарын 6 хүртэл ямар өөр наймааг багууд хийх боломжтой талаар ярилцацгаая.

Гучин баг өнөөдрийн байдлаар улирлын дөрөвний нэг тоглолтуудаа хийсэн ба өөрсдийн дутуу болон давуу талаа олж харж, хаашаа юуг зорих ёстой чиглэлээ тодорхойлж, ямар хэмжээний баг вэ гэдэг ойлголттой болсон болов уу.

Ингээд энэ солилцооны цонхоор Дорнод бүсээс хамгийн идэвхтэй солилцоо наймаа хийх шаардлагатай гурван багийг онцлоё.

1. Чикаго Буллс

Зэрэглэл: Өрсөлдөөн үзүүлэхүйц

Чиглэл: Бүгдийг өгнө

Багийн амжилт: 12-15 (бүсдээ 9-д)

Дорнод бүсээс хамгийн эргэлзээтэй хаашаа явж байгаа нь тодорхойгүй баг бол яах аргагүй Буллс билээ. Тэд сүүлийн 8 жилийн хугацаанд 2021-22 оны улиралд ердөө ганц л удаа плейоффд 8-р шалгарч эхний шатанд Баксд 4-1 харьцаатай ялагдсан байдаг. Энэ найман жилийн хугацаанд үргэлж 8-10 байрны хооронд доошоо ч үгүй дээшээ ч үгүй яг байрандаа л байсаар ирсэн билээ. Тэдний гол зорилого бол Зак Лавиныг энэ солилцооны цонхоор явуулж түүний үнэтэй гэрээнээс салах явдал юм. Лавиныг авах сонирхолтой багууд Уарриорсоос эхлээд гарч ирж байгаа нь тэдэнд тун сайн мэдээ билээ. Түүнийг явуулж чадвал Буллс хожлоо л гэсэн үг.

2.Клевеланд Кавальерc

Зэрэглэл: Аварга горьлогч

Чиг хандлага: Худалдан авалт

Амжилт: 23-4 (Лигийг тэргүүлэгч)

Тэдэнд өгөөд явуулчих үнэд хүрчих хэрэггүй тоглогч бараг л байхгүй бөгөөд дутагдаж байгаа ганц байрлал нь бол сэлгээний төвийн тоглогч билээ. Жаррет Алленийн суухад түүнийг нөхөж талбайд гарах ганц ч төвгүй байгаа энэ асуудлаа солилцооны үеээр шийдэж чадвал энэ багт онгорхой байсан ганц нүрээ дүүргэснээс өөрцгүй өөгүй баг болох юм.

Наймаанд ашиглах боломжтой гэж харж болох ганц тоглогч байгаа нь 2023 оны зун Хит-ээс авч ирсэн Макс Струс юм. Тэрээр шагайны гэмтлийн улмаас энэ улиралд нэг ч тоглолтод оролцож амжаагүй байгаа ч түүнгүйгээр баг нь амжилттай явах боломжтой гэдгийг одоогийн үзүүлэлт, хожлын тоо нь харуулаад өгөх билээ. Тийм ч учраас Струсийг хэрэгтэй багт нь өгөөд оронд нь 10-15 минут тоглочих самбрын асуудлыг нь шийдээд өгөх төвийн тоглогч авч чадвал тэдний хувьд хожил болох юм.

3.Милуаки Бакс

Зэрэглэл: Аварга горьлогч

Чиг хандлага: Худалдан авалт

Амжилт: 14-11 (бүсийнхээ 5-т)

Дорнод бүсийн яаж ч магадгүй эргэлзээ төрүүлэм хачирхалтай багийн нэг бол Яннисаар ахлуулсан Милуаки Бакс. Түүний тоглож буй багийг, тур тусмаа хоёр дахь лидер нь Дамиан Лиллард байгаа цагт хэзээ ч басаж болохгүй. Гэхдээ багийн бусад үүргийн тоглогчидыг харахаар энэ баг аваргад горьлогч биш ч юм шиг, NBA-н цомын тэмцээний финалд шалгарсанг нь харахаар мөн ч юм шиг.

Энэ багт нэн тэргүүнд ус агаар мэт дутагдаж байгаа орон зай бол хар ажилд зүтгэдэг, сэлгээний хамгаалан тоглогч. Тэдэнд олигтой үнэд хүрэх өгөөд авчих тоглогч байхгүй. Хэрэв Бакс аваргын төлөө шалгарахгүй бол Яннис энэ зун багаас шууд явна гэдгээ хэлчихсэн тул Баксын удирдлагуудад зайлшгүй тулгараад байаа билээ.