Энэ жилийн Азийн наадамд цоо шинээр нэмэгдсэн төрөл бол И-Спорт. Тус тэмцээнд манай улсаас IHC ESports байгууллагын баг анх удаа оролцож байна. Манай баг тамирчид И-Спортын PUBG Mobile болон Dota2 төрлүүдээр өрсөлдөх юм. 

Азийн наадмын  И-Спортын PUBG Mobile Peace Elite төрлийн тоглолтууд өнөөдөр 14:00 цагаас эхэлнэ. Манай шигшээ Мальдив болон Японы шигшээ багуудтай нэг хэсэгт хуваарилагджээ. 

Харин Dota2 төрлийн эхний тоглолтоо энэ сарын 29-нд 19:00 цагаас Узбекистан улсын багтай хийх ба түүний дараа 20:00 цагаас хэсэгтээ таарсан Мьянмарын шигшээ багуудтай тус тус тоглох хуваарьтай байна. Өчигдөр манай И-Спортын тамирчид эхний бэлтгэлдээ оролцоод амжжээ.