Талбайн теннисний дэлхийн чансааг тэргүүлэгч Новак Жокович Австралиас албадан гаргасны эсрэг давж заалдах шатны шүүхэд ялжээ. Улмаар тэрбээр Австралийн нээлттэй тэмцээний бэлтгэлээ үргэлжлүүлэхээр боллоо. Амралтын өдрүүдэд цагаачдын хорих төвд өнгөрөөсний дараа Жокович эрэгтэйчүүдийн ганцаарчилсан төрөлд аварга цолоо хамгаалахын тулд суллагджээ. Сербийн од өнөөдрийн давж заалдах шатны шүүх хурлын шийдвэрийг тэмдэглэхийн тулд Мельбурн Парк дахь талбай дээр дасгалжуулагчийн багийнхаа хамт авахуулсан зургаа нийтэлжээ.
"Шүүгч миний визний цуцлалтыг хэргэсэхгүй болгосонд би талархаж байна" гэж Жокович твиттер хуудсандаа бичжээ. "Ийм зүйлс тохиолдсон ч би үлдэж, Австралийн нээлттэй тэмцээнд оролцохыг хүсч байна. Би тэмцээндээ анхаарлаа төвлөрүүлсээр байна.
Би энд гайхалтай хөгжөөн дэмжигчдийн өмнө хамгийн чухал тэмцээнүүдийн нэг дээр тоглохоор хүрч ирсэн гэж хэлээд илүү их зүйл хэлэх боломжгүй гэдгээ мэдэгдсэн ч дэмжигчиддээ "надтай хамт байсан"-д талархал илэрхийлэе гэжээ.
Хилийн цэргийн албаныхан түүнийг Австрали руу нэвтрэхийн тулд вакцинжуулалтын шаардлага хангаагүй гэж мэдэгдсэний дараа визийг цуцалсан байна. Түүний хуулийнхан шийдвэрийг хүчингүй болгохын тулд шүүх хурал эхлэхээс өмнө тэрбээр улс орноо орхихоос өөр аргагүй болсон юм.
Шүүх хурлаар шүүгч Энтони Келли 34 настай түүнийг сүүлийн дөрвөн өдөр байрлаж байсан Мельбурн хотын Парк зочид буудалд саатуулах байрнаас суллахыг үүрэг болгожээ. Визийг нь цуцлах шийдвэр гаргасны хариуд Жоковичийн хуулийн багтай ярилцах хангалттай хугацаа өгөөгүй гэж шүүх үзжээ. Келли Австралийн Цагаачлалын тухай хуулийн 116-р зүйлд заасны дагуу визийг цуцалсан нь "үндэслэлгүй" гэж мэдэгдэж, Жоковичийг 30 минутын дотор суллах ёстой гэж мэдэгдсэн байна. Гэсэн хэдий ч Австралийн Засгийн газрын зөвлөх Кристофер Тран тус улсын Цагаачлалын яамны сайд Алекс Хоук Жоковичийн визийг дахин цуцлах эрхээ хэрэгжүүлэх эсэх талаар хэлэлцэж магадгүй гэж шүүхэд мэдэгджээ. Жоковичийн өргөдлийг Австралийн теннис болон Викториягийн засгийн газраас цуглуулсан бие даасан хоёр шинжээчдийн баг үнэлсний дараа Австрали руу нэвтрэх эмнэлгийн чөлөөлөлтийг олгосон юм. Түүнийг анх Австралийн Дархлаажуулалтын техникийн зөвлөх группээс тогтоосон болзлыг хангасан гэж байсан ч Австралийн Хилийн цэргийн алба Жокович "Австрали руу нэвтрэх шаардлагыг хангахуйц зохих нотлох баримт гаргаж чадаагүй" гэж үзээд байсан юм.
