Румынд болсон самбо бөхийн “Найрамдал” олон улсын тэмцээнд Украины Үндэсний олимпын хорооны ерөнхийлөгч, ОУОХ-ны гишүүн Сергей Бубка оролцсон байна. Румыны Самбо бөхийн холбоо, Румыны Олимп, Спортын Хороо хамтран зохион байгуулсан тус тэмцээнд зургаан орны нэг нь Украин байсан бол бусад улс нь Бүгд Найрамдах Конго Улс, Франц, Израиль, Молдав улсууд байжээ. Тэмцээн Изворани дахь Румыны Олимп, Спортын Хорооны бааз болох Сидней 2000 спорт цогцолборт болсон. Дараа нь самбистуудыг бэлтгэх гурван өдрийн сургалт зохион байгууллаа. Румыны Олимп, Спортын Хорооны ерөнхийлөгч Михай Ковалиу, ерөнхий нарийн бичгийн дарга Георгий Борой нар Бубкатай нэгдэж, тэмцээнд оролцох өндөр зэрэглэлийн зочдын дунд оролцлоо. Бубкагийн оролцоо нь Украйны тамирчдад урам зориг өгөх зорилготой байсан бөгөөд сагсан бөмбөгчид, туялзуур сэлэмчид, триатлончид мөн Румынд бэлтгэл хийхээр очдог байжээ.

Сөүл 1988 оны Олимпын эрэгтэйчүүдийн тулгууртай харайлтын алтан медальт Бубка Оросын түрэмгийллийн хариуд Олимпийн хөдөлгөөнөөс Украины спортод үзүүлэх хүмүүнлэгийн тусламжийг зохицуулах үүрэг хүлээсэн. Тэрбээр 2008 оноос хойш ОУОХ-ны гишүүнээр сонгогдсон юм. Украинд хийсэн халдлагыг олон нийт буруушааж, ОУОХ-ноос Орос, Беларусийн тамирчдыг тэмцээнд оролцохыг хориглохыг Олон улсын холбоонд санал болгожээ. Гэвч Олон улсын самбо бөхийн холбооноос хоёр орны тамирчид өөрийн туг, лого, сүлд дуулал дор оролцох боломжтой гэсэн шийдвэр гаргасан байна. 

Н.Бэлгүүн