Сошиал орчинд хамгийн идэвхитэй байж, маш олон фенүүдтэй болоод буй SG Apes баг 4-6 амжилттай хүснэгтийн 7-д бичигдэж байна. Тэд сүүлийн 3 тоглолтондоо дарааллан хожигдсон.

Тэд хожихын тулд, зорьсон хүснэгтийн байрлалдаа очихын тулд хамгаалалт, самбарын тоглолтоос гадна өнгөрсөн жилийн MVP М.Өлзий-Орших багтаа туслах зайлшгүй шаадлагатай байна.

Одоогоор М.Өлзий-Оршихын хувьд 10.8 оноо, 2.3 самбар, 3.7 дамжуулалт, 3.1 бөмбөг алдалт, 3.1 таслалт дундчилахдаа FG ердөө 33.6%, 3 онооны шидэлтийн хувьд 28.6% буюу 1 тоглолтонд алсын зайнаас 6.3 удаа шидэж 1.8-г л амжилттай болгож байгаа зэрэг нь довтолгооны үр ашиг маш тааруу байгааг харуулж байна.

Түүний статистик үзүүлэлтээс хамгийн гэрэлтэй, сайн үзүүлэлт нь 1 тоглолтонд 3.1 бөмбөг таслалт байна.

SG Apes багийн улирлын эхний 10 тоглолтонд М.Өлзий-Оршихын үзүүлсэн статистик үзүүлэлтийг задалж, харуулвал.

1.13 оноо, 7 дамжуулалт, 3 самбар, 7 б.алдалт, FG 23%, 3PT-16.7% Налайх Бизоныг Хожсон.

2.10 оноо, 2 дамжуулалт, 0 самбар, 2 б.алдалт, FG 30%, 3PT-20.0% Завхан Бродерсыг Хожсон.

3. 9 оноо, 5 дамжуулалт, 2 самбар, 4 б.алдалт, FG 33.3%, 3PT-42.9% Сэлэнгэ Бодонс багт Хожигдсон.

4. 7 оноо, 5 дамжуулалт, 7 самбар, 2 б.алдалт, FG 22.2%, 3PT-0% Дархан Юнайтедыг Хожсон.

5. 17 оноо, 3 дамжуулалт, 1 самбар, 1 б.алдалт, FG 60%, 3PT-66.7% ИНУГ YES TLG-д Хожигдсон.

6. 9 оноо, 3 дамжуулалт, 0 самбар, 4 б.алдалт, FG 33.3%, 3PT-37.5% Хасын Хүлэгүүдэд Хожигдсон.

7. 7 оноо, 4 дамжуулалт, 0 самбар, 5 б.алдалт, FG 22.2%, 3PT-14.3% Эрдэнэт Майнерсыг Хожсон.

8. 6 оноо, 2 дамжуулалт, 3 самбар, 2 б.алдалт, FG 10%, 3PT-14.3% Бишрэлт Металлд Хожигдсон.

9. 18 оноо, 4 дамжуулалт, 5 самбар, 3 б.алдалт, FG 57.1%, 3PT-20% Налайх Бизонд Хожигдсон.

10. 13 оноо, 7 дамжуулалт, 3 самбар, 7 б.алдалт, FG23%, 3PT-16.7% Завхан Бродерсд Хожигдсон.

Түүний хувьд нийт 106 довтолгоо гүйцэтгэж 36-г, алсын зайнаас 63 удаа довтолж 18-г оновчтой болгоод байна.

SG Apes багийн хожсон 4 тоглолт, хожигдсон 6 тоглолтын статистик үзүүлэлтийг харьцуулбал: 

Дээрх харьцуулалтаас харахад М.Өлзий-Оршихыг муу тоглоход баг нь хожсон, эсрэгээрээ сайн тоглоход баг нь хожигдсон сонирхолтой үзүүлэлт харагдаж байна.

Түүний хувьд багийнхаа тоглолтонд нийцэхгүй байгаа юм болов уу?

Улирал урт, SG Apes багийн хувьд засах, ярилцах асуудал их л байна даа.