ESL Pro League S21-ийн хоёрдугаар шатны тоглолтууд өнөөдөр өндөрлөнө. Манай The MongolZ багын хувьд өчигдөр Францын 3DMAX багийг 2-0-оор буулган авснаар ESL Pro League S21 тэмцээний хасагдах шатанд оролцох эрхээ авсан. Улмаар $18,000-ын шагналаа баталгаажууллаа.

Өнөөдөр болох 3 тоглолтын дараагаар Плэй-Оффын оноолт тодорхой болно. Плэй-оффын тоглолтууд 3-р сарын 13-нд эхлэх ба Финалын тоглолт 16-нд явагдаж энэ удаагийн тэмцээн өндөрлөнө.

Хасагдах шатны тоглолтууд Best of 3 журмаар явагдана. Мөн гуравдугаар байрны төлөөх тоглолт гэж байхгүй ба түрүүлсэн баг $100,000-ын шагнал авах юм.