Үндэсний шагайн харвааны спортоор 2008 оноос яг идэвхтэй хичээллэж эхэлсэн. Өсөх наснаасаа эхлээд энэ спорттой, Монгол ахуйтай ойр өссөн мөн аав, ах нар маань харвадаг учир голлон нөлөөлсөн байх. Шагайн харвааны спортод хүнийг татах, дурлуулах нэг тийм онцлог чанар байдаг. Ер нь үндэсний спортууд адилхан байх. Миний хувьд Монгол хэмээх агуу эх оронд төрөөд, үндэсний дархлаа болсон энэ спортоор хичээллэсэндээ баяртай байдаг. Шагайн харваа өөрөө уламжлал, шинэчлэлийг хамт агуулж байдгаараа онцлогтой төрөл. Тухайлбал ахмад хүнийг хүндлэх, олон сайхан найз нөхөдтэй болгох, танилцуулах, ёс дэг, жудаг чанар гэж зүйлийг сурахаас гадна үндэсний хувцас хэрэглэлээ иж бүрнээр зөв цэгцтэй өмсөж сурах хэвших, нөгөө талаас биеийн тамирын дасгал, харааны дасгал болох гээд олон талын ач холбогдолтой. Үүнээс гадна 1998 онд баяр наадмын хөтөлбөрт албан ёсоор багтсан, 2014 онд Юнескогийн Дэлхийн биет бус соёлын өвийн төлөөллийн жагсаалтад бүртгэгдсэн, Монгол улсад төдийгүй Дэлхийн олон улсуудад салбар зөвлөлүүд ажиллаж өдөр ирэх тусам хичээллэгч, сонирхогчдын тоо улам өсөн нэмэгдэж байна.

Мэдээж Шагайгаа харвах дуртай. Гэхдээ сүүлийн жилүүдэд ажил төрлөөс шалтгаалаад тэр бүр тогтмол тууштай харваж чадахгүй л байна. Шатар тоглох дуртай, бусад төрлийн спортуудыг шимтэн үзэж, сонирхдог.

Ккк өвөрмөц асуулт байна. Ёстой нээрээ бодож үзэж байгаагүй юм байна. Ээжийнхээ биед ороод хүүхэд хөхүүлж үзэхийн бол уу ????

Ккк байсан. Одоо ч хэвээрээ. Холливүүдийн эмэгтэй жүжигчдээс Израйл гаралтай Америкийн жүжигчин Натали Портман. Эрэгтэй жүжигчдээс хүндэлдэг дуртай жүжигчин Шинэ Зеландын Рассел Кроу. Түүний тоглосон миний дахин дахин үзэх дуртай кино "Гладиатор".

Одоо УИХ-ын гишүүний Ажлын албанд зөвлөхөөр ажилладаг. Мөн төрийн бус байгууллагад давхар ажилладаг. Миний мэргэжил сэтгүүлч. Өмнө нь мэргэжлээрээ буюу MNC, SBN телевизүүдэд спортын сэтгүүлч, редактораар ажиллаж байсан. Ер нь мэргэжилдээ дуртай учир эрхэлж байсан ажлууддаа дуртай. Мөн хүнтэй, олон нийттэй харьцдаг учир одоогийн ажилдаа ч бас сонирхолтой байдаг.

Эмэгтэй хүнийг ээжээрээ үлгэрлэдэг дээ. Аливаа зүйлд мэдрэмжтэй, холыг хардаг, тэвчээртэй зан чанарт. Эхнэр бид хоёр оюутны нэг анги. Эхнэртэйгээ танилцаад, гэрлээд 14 жил болж байна. Одоо 3 сайхан хүүхэдтэй. Ам бүл тавуулаа. Юманд тууштай, шударга, хүний халамжит хань, хүүхдүүдийнхээ сайн ээж нь байдагт их баярлаж явдаг даа.

Ямар ч өвчнийг анагаах хүчтэй л болох байсан байхдаа. Тэгж чадвал маш олон хүнд тусалж чадна, аз жаргал, баяр баясгалан бэлэглэнэ.

Хэрвээ тийм боломж гарах юм бол аавынхаа бодлыг... Яагаад ч юм хааяа тэгж л бодогддог аав гэдэг тэр агуу хүний бодлоор амьдарч, арай өөр өнцгөөс юмны холыг харах байсан бол уу гэж боддог. Хүн ер нь ямар ч мундаг, сайн байгаад ааваасаа алд дутуу л байдаг юм шиг надад санагддаг.

Дуугаа хураадаг. Юм бодно хэсэг ганцаараа байх эсвэл агаар салхинд алхвал арай гайгүй болдог.Мөн хөгжим сонсоно хааяа. Ер нь гэхдээ гэртээ ороод ирэхээр л тэр халуун дулаан уур амьсгалд өөрийн эрхгүй тайвширдаг даа. Мөн хааяа ээжтэйгээ уулзахаар нээх сайхан болдог эрхэлмээр ч юм шиг нялхармаар ч юм шиг ккк.