Шинэ дасгалжуулагч Кай Бин удирдага дор Хятадын волейболын  67 тамирчин Азийн наадамд зориулж бэлтгэл сургуулилт хийж байна. Олимпийн гурван удаагийн аваргууд өнгөрсөн амралтын өдрөөр Бейлун хотод гурван долоо хоногийн хугацаатай бэлтгэл сургуулилтаа эхлүүлснээр Хятадын эмэгтэйчүүдийн волейболын шигшээ баг 2022 оны олон улсын волейболын улиралд цугларсан анхны хүмүүсийн нэг болж байна. Парисын 2024 оны Олимпийн наадамд оролцох багийн анхны алхам гэж тодорхойлсон энэхүү үйл ажиллагаа нь шинэ ахлах дасгалжуулагч Кай Бин энэ сарын эхээр ажилд орсноос хойш тоглогчидтойгоо анхны бэлтгэл болж байгаа юм. Өдгөө 55 настай Кай 2013-2021 онд Хятад улсын шигшээг дасгалжуулж байсан домогт Ланг Пинг орлож байна. Ланг Пингийн хувьд Токиогийн зуны олимпод Хятадын шигшээ баг есдүгээр байр эзэлсний дараа ажлаа орхисон юм.

Бэлтгэл сургуулилт нь 67 тамирчнаас бүрдэж байна. Эдгээр тамирчдын ихэнх нь шигшээ багт хэзээ ч тоглож байгаагүй бөгөөд 2022 онд анх удаа олон улсын тэмцээнд дуудагдах боломжтой залуу тамирчид байна. Шигшээ багийн тоглогч Дин Шиа, Юан Синьюэ, Ван Юанюань болон Гон Шианю зэрэг алдартай тоглогчид Хятадын шигшээ багт Токиогийн олимпод оролцсон билээ.  

Хятад улсын тамирчид 2022 оныг завгүй өнгөрүүлэх бөгөөд дөрвөн том тэмцээнд оролцох төлөвлөгөөтэй байгаа. Тэдний эхнийх нь тавдугаар сарын 31-нээс долдугаар сарын 24-ний хооронд болох Волейболын Үндэстний Лигийн тэмцээн бөгөөд эхний долоо хоногт Хятадууд Туркийн Анкара хотноо тоглоно. Улмаар 9-р сарын 23-аас 10-р сарын 15-ны хооронд Азийн баг 3 дахь удаагаа FIVB волейболын эмэгтэйчүүдийн дэлхийн аварга шалгаруулах тэмцээнд оролцоно. Түүнчлэн Хятадууд 14 дэх алтан медалиа хүртэх Азийн аварга шалгаруулах тэмцээн, ес дэх аваргын төлөө өрсөлдөх Азийн наадамд оролцох юм. Харин Хятадын волейболын супер од, багийн ахлагч Жу Тинг гэмтлийн улмаас талбайд гараагүй бөгөөд Яо Ди болон довтлогч Жан Чаннинг, Лю Янхан нар тоглолтонд оролцохгүй гэсэн мэдээлэл байна.