Хойд Америкийн коллежийн сагсан бөмбөг буюу NCAA-д энэ жил аварга цол хүртсэн "UConn" багийн од Пэйж Бэйкерс өнөөдөр 2025 оны WNBA-ийн драфтын тэргүүн сонголтоор Даллас Уингс багт сонгогдсон байна.

Миннесота мужийн Хопкинс хотын Бүх Америкийн шигшээ багийн бүрэлдэхүүнд гурван удаа шалгарсан Бэйкерс 2016 онд Бреанна Стюартаас хойш анх удаа драфтын нэгээр сонгогдож байна.

Бэйкерс

"Би энд байгаадаа туйлын их баяртай байна. Би сонгогдсон хотынхоо талаар гайхалтай зүйлс маш их сонссон. Өөрт байгаа бүхнээ Уингс-т өгөх байгаадаа маш их баяртай байна. Бид гайхалтай зүйл хийх болно гэдгийг би мэдэж байна, энэ бол шинэ эхлэл бөгөөд бид бүгдээрээ онцгой зүйл хийхэд бэлэн байна гэж бодож байна." хэмэээн драфтын үеэр хэлжээ.

Харин драфтын хоёр дахь сонголтоор Францын төвийн тоглогч Доминик Малонгаг Сиатл Стормс баг сонгож авав. Тэрбээр энэ драфтын ангийн хамгийн чадварлаг төвийн тоглогч хэмээн нэрлэгдэж буй.

Драфтын гурав дахь сонголтыг Уашингтон Мистикс баг хийсэн ба тэд Соня Ситрон хэмээх оноо авах өндөр чадвартай, алсын зайны шидэлтийн хувь өндөр, мөн хамгаалалтад идэвхитэй тоглогч авчээ.

Энэхүү драфтад Монголчуудын эчнээ танил Хейли Ван Лит сонгогдсон байна. Тэрбээр Чикаго Скай багт драфтын 11-р байраар сонгогдож ирэх улирлаас WNBA-ийн замналаа эхлүүлэхээр болжээ. Ван Лит NCAA-д тоглох хугацаандаа гурван сургуулийг Элит Найм руу хөтөлсөн нь эрэгтэй, эмэгтэй NCAA тэмцээний түүхэнд анхны тоглогч болсон юм. Тэрбээр нэг улирлын оноо авалтаараа TCU дээд амжилтыг тогтоож байв. Ийнхүү Ван Лит LSU-ийн хуучин багийн анд Анхель Ризтэй дахин нэгдэж, Чикаго Скайд шинэ түүх бүтээх боломж олдож байна.