Өнгөрсөн шөнө Европын хамгийн нэр хүндтэй тэмцээн болох аваргуудын лигийн плей-оффын хариу тоглолтууд явагдлаа. Норвегийн өнгөрсөн улирлын дэд аварга Буде Глимт клуб өнгөрсөн улирлын аваргуудын лигийн дэд аварга, Италийн аварга Интер Милан клубийг плей-оффын эхний тоглолтод 3:1 харьцаатай хожиж, хариу тоглолтод 1:2 харьцаатай хожиж, хоёр тоглолтын нийлбэр дүн 5:2 харьцаатай хожиж, аваргуудын лигийн шөвгийн 16-д шалгарч чадлаа.

Энэхүү хоёр баг аваргуудын лигийн лигийн шатанд Интер Милан клуб 15 оноотой, 10-р байраар плей-оффт шалгарсан. Буде Глимт клуб энэ улиралд аваргуудын лигийн лигийн шатанд Английн шилдэг багуудын нэг Манчестер Сити клубийг талбай дээрээ 3:1 харьцаатай хожиж, Испанийн шилдэг Атлетико Мадрид клубийг сүүлийн тойрогт талбай дээр нь 1:2 харьцаатай хожиж, аваргуудын лигийн лигийн шатанд 9 оноо авч, 23-р байраар плей-оффт шалгарч чадсан билээ. Норвегийн Буде хот нь нийт 55’000 хүн амтай, Буде Глимт клубийн талбай “Aspmyra Stadion” нь 8270 хүний суудалтай юм. Буде Глимт клуб хамгийн сүүлд 11-р сард Норвегийн лигийн сүүлийн тоглолтоо хийсэн бөгөөд түүхэндээ анх удаагаа аваргуудын лигийн шөвгийн 16-д шалгарч чадлаа.

Испанийн Атлетико Мадрид клуб Бельгийн Брюгге клубийг хүлээн авч тоглосон бөгөөд талбайн эзэд Атлетико Мадрид клуб 4:1 харьцаатай хожиж, нийлбэр дүн 7-4 харьцаатайгаар хожиж, шөвгийн 16-д шалгарч чадлаа. Мөн Английн Ньюкасл Юнайтед клуб Азербайджаны Карабах клубийг хүлээн авч тоглосон бөгөөд 3:2 харьцаатай хожиж, нийлбэр дүн 9-3 харьцаатайгаар хожиж, шөвгийн 16-д шалгарч чадлаа. Ньюкасл Юнайтед клуб шөвгийн 16-д шалгарснаар Английн багуудаас шөвгийн 16-д шалгарсан 6 дахь баг болж, аваргуудын лигийн шөвгийн 16-д нэг улсаас 6 баг шалгарсан анхны улс Англи болж түүх бүтээлээ. Германы шилдэг багуудын нэг Байер Леверкузен клуб талбай дээрээ Грекийн аварга Олимпиакос клубийг хүлээн авч тоглож, 0:0 харьцаатайгаар тэнцэж, нийлбэр дүн 2-0 харьцаатайгаар Германы Байер Леверкузен клуб шөвгийн 16-д шалгарлаа.

Өнөөдөр Аваргуудын лигийн плей-оффоос шөвгийн 16-д шалгарах сүлийн 4 клуб тодорно.

Тоглолтын хуваарь:

/Итали/ Аталанта-Боруссиа Дортмунд /Герман/ 01:45 цагаас

/Итали/ Ювентус-Галатасарай /Турк/ 04:00 цагаас

/Франц/ Парис Сэйн-Жермен-Монако /Франц/ 04:00 цагаас

/Испани/ Реал Мадрид-Бенфика /Португал/ 04:00 цагаас