5-р сарын 31-нд Европын хөлбөмбөгийн хамгийн том тайз болох Аваргуудын лигийн финалд 1xBet-ний албан ёсны түнш Францын аварга, Парис Сен-Жермен болон Английн аварга Арсенал клубүүд учраа таарсан. Энэхүү хоёр клуб хоёул энэ улиралд дотоодын лигүүддээ түрүүлсэн бөгөөд маш сайн формтой байгаа билээ. Тоглолт Унгарын Будапешт хотын алдарт Пушкаш Арена цэнгэлдэхэд болно. Энэ бол зүгээр нэг финал биш. Энэ бол хоёр өөр философийн мөргөлдөөн. Өнгөрсөн улиралд түүхэндээ анхны Аваргуудын лигийн цомоо өргөсөн ПСЖ клуб одоо аваргаа хамгаалах зорилготой ирж байна. Нөгөө талд нь олон жилийн дараа Европын оргилд эргэн ирсэн, залуу бөгөөд өлсгөлөн Арсенал байна. 2006 оны финалд ялагдсанаас хойш “Их буучид” ийм ойр ирээгүй.

ПСЖ

Luis Enrique-ийн баг энэ улиралд аймшигтай довтолгоогоороо ялгарч байна. Ousmane Dembélé, Khvicha Kvaratskhelia нарын хурд, техник ямар ч хамгаалалтыг задлах чадвартай. ESPN-ийн мэдээлснээр ПСЖ энэ улиралд аваргуудын лигт 40+ гоол оруулсан нь финалист багууд дундаа хамгийн аюултай үзүүлэлтүүдийн нэг болжээ. Мөн Луис Энрике нэг тоглолтын финалуудад гайхалтай амжилттай дасгалжуулагч гэдгээрээ алдартай. Түүний багууд финалд том алдаа бараг гаргадаггүй.

Арсенал

Харин Mikel Arteta-гийн Арсенал энэ улиралд Европыг хамгийн тогтвортой багуудын нэг байлаа. Bukayo Saka, Gabriel Martinelli, Viktor Gyökeres нарын залуу тоглогчдын довтолгоо Премьер лиг болон Европт жинхэнэ сенсац тарьсан. Арсеналын хамгийн том давуу тал бол тэдний багийн зохион байгуулалт. Тэд зөвхөн довтолдоггүй бөгөөд хамгаалалт, прессинг, бөмбөггүй гүйлт гээд бүх зүйл нь системтэй. Энэ финал бол Артетагийн төслийн оргил цэг гэж хэлж болно.

Финалыг шийдэх боломжит 3 зүйл

1. Дунд шугамын тулаан

ПСЖ бөмбөг эзэмших дуртай. Харин Арсенал өндөр прессингээр амьсгал авах боломж өгдөггүй. Хэн төвийн бүсийг хянана, тэр баг тоглолтыг удирдана.

2. Сэтгэлзүй

ПСЖ өмнө нь энэ тайзан дээр түрүүлж үзсэн туршлагатай. Арсенал харин 20 жилийн мөрөөдлөө биелүүлэх гэж байна. Дарамтыг хэн илүү даах вэ?

3. Оддын тулаан

Финалд системээс илүү хувь тоглогчийн ид шид шийдэх үе бий. Дембеле эсвэл Сака шиг тоглогч нэгхэн агшинд бүхнийг өөрчилж мэднэ.

Аваргуудын лигийн 2025/26 оны улирлын финалын тоглолт Монголын цагаар 05-р сарын 31-нд 00:00 цагаас Унгарын алдарт Пушкаш Аренад явагдана.