Дэлхийн бөхийн нэгдсэн холбооны чансааны оноо олгох 2023 оны гурав дахь цуврал тэмцээнийг өнгөрөгч долоо хоногт Каба Уулу Кожомкул болон Раатбек Санатбаевын нэрэмжит болгож Киргизстаны Бишкек хотод зохион байгуулсан билээ. Тус тэмцээнд өрсөлдсөн Монголын бөхчүүд 2 алт, 4 мөнгө, 2 хүрэл медальтай эх орондоо ирсэн. Дэлхийн бөхийн холбооны зүгээс тэмцээний дараа чансааг шинэчилсэн байна.
Эрэгтэйчүүдээс 65 кг-ын жинд түрүүлсэн ОУХМ Т.Тулга 3 байр урагшилж жиндээ 7 дугаар байрт орсон бол эмэгтэйчүүдээс 62 кг-ын жинд үзүүрлэсэн МУГТ П. Орхон хамгийн том үсрэлтийг хийж 28 дугаар байраас 19 рүү дэвшжээ. Энэ жилийн “Ranking Series”-ийн хамгийн сүүлийн цуврал тэмцээнд долдугаар сарын 13-16-нд Унгарын нийслэл Будапештэд болно. Бишкекийн тэмцээний дараа дэлхийн чансаанд Монголын бөхчүүдээс эхний 20 байрт хэн хэрхэн бичигдэв гэдгийг эндээс харж болно.
Эрэгтэйчүүд:
57 кг: З.Занабазар нэг шатаар ахиж 4 байр - 38800 оноо
61 кг: Н.Наранхүү мөн нэг шатаар ахиж 4 байр- 37400 оноо
65 кг: Т.Тулга 3 байраар урагшилж 7 байр - 37000 оноо
74 кг: О.Сүлдхүү нэгээр урагшилж 5 байр - 35500 оноо
79 кг: А.Дөлгөөн 15 байр - 15500 оноо
92 кг: Г.Ганхуяг нэгээр ахиж 5 байр - 33600 оноо
125 кг: М.Лхагвагэрэл нэгээр ухарч 3 байр- 52800 оноо
Эмэгтэйчүүд:
50 кг: Д.Отгонжаргал 2 байр - 45200 оноо
53 кг: Б.Хулан 3 байр - 56520 оноо
Б.Болортуяа 5 шатаар ахиж 8 байр - 26100 оноо
55 кг: Г.Отгонжаргал хоёроор ухарч 19 байр - 8200 оноо
Ч.Отгонтуяа мөн хоёроор ухарч 20 байр - 8000 оноо
57 кг: Э.Даваачимэг 9 байр - 25000 оноо
59 кг: Б.Эрдэнэсувд нэгээр ухарч 8 байр- 23000 оноо
62 кг: П.Орхон 9 шатаар ахиж 19 байр - 14400 оноо
65 кг: Ө.Пүрэвсүрэн 11 байр - 12300 оноо
68 кг: Э.Дэлгэрмаа 4-өөр ахиж 10 байр- 28400 оноо
72 кг: Э.Даваанасан 9 байр - 20000 оноо
76 кг: Г.Ариунжаргал 19 байр - 13000 оноо