"Дэлхийн аварга шалгаруулах тэмцээнээс мөнгө, Азийн наадмаас хүрэл медаль хүртсэн. Олимпын эрхээ авчихсан байгаа. Олимпын бэлтгэлдээ гараад чөлөөт бөхийнхөө хамт олноор олимпод өндөр амжилт гаргах зорилготой байгаа." Энхсайханы Дэлгэрмаа спортын сэтгүүлчдийн санал хураалтаас 50 оноо хүртэж Бөртэ Чоно наадмын шилдэг эмэгтэй тамирчнаар тодорлоо. Тэрбээр энэ онд Дэлхийн аварга шалгаруулах тэмцээнээс мөнгөн медаль, "Ханжоу 2022" Азийн наадмаас хүрэл медаль, Дэлхийн чансааны тэмцээнээс хүрэл медаль, "Парис 2024" Олимпын наадамд оролцох эрхээ хүртсэн амжилт үзүүлсэн билээ.