Монгол тулаанчид дэлхийн топ холбоо UFC-тэй гэрээ байгуулж, гялалзах боломжууд нэмэгдсээр.. Японы Гладитор холбоонд анхны тулаанаа хийж аваргын бүстэй болсон Т.Нямжаргал UFC холбооны өмнөх "Road to Asian"- тэмцээнд тулалдаж,хоёр тулаандаа дараалан ялснаар UFC холбоотой гэрээ байгуулах болсон юм.

Өдгөө 25 настай тэрбээр 2020 оноос холимог тулаанаар хичээллэж буй бөгөөд дөрвөн жилийн хугацаанд найман ялалт байгуулсан юм. Т.Нямжаргал UFC-ийн эхний тулаанаа зургадугаар сарын 2-ны өдөр UFC-302 өдөрлөгийн хүрээнд Бразил тулаанч Андре Лиматай UFC-ийн дебют тулаанаа хийхээр болжээ. Андре Лима Хюн Сюн Пактай тулалдах байсан ч Солонгос тамирчин гэмтэж, Т.Нямжаргалтай тулалдахаар болсон байна.

Хоёр тамирчны хувьд хоёулаа холимог тулаанд 8 тулалдахдаа 8 ялсан амжилттай байгаа юм. Т.Нямжаргалаас өмнө Д.Батгэрэл UFC-д гэрээ байгуулсан Монголын анхны тулаанчаар нэрлэгдэж, Монгол тамирчдын эр зориг, ур чадварыг таниулаад байгаа билээ.