Лионель Месси Интер Майами Нашвилл клубийг 3:1-ээр хожсон тоглолтод хоёр гоол оруулж, нэг оновчтой дамжуулалт өгч Мэйжор лигт гайхалтай тоглолтыг үзүүлжээ. Өнгөрсөн 7-р сард Интер Майамид нэгдсэнээс хойш Месси MLS-ийг гэрэлтүүлж, Бямба гарагт улирлын эхний зургаан тоглолтын тавд гоол оруулсан лигийн анхны тоглогч болсон байна.

Түүний гялалзсан ур чадвар нь Майамигийн хувь заяаг өөрчилж, өнгөрсөн 8-р сард анхны цомыг авч, Дорнод бүсийн чансааг тэргүүлж, Чейс Филд цэнгэлдэх хүрээлэнд түүхэн дээд амжилтыг үзүүллээ.

Интер Майами, Нашвилл клубүүдийн тоглолтын 2' дахь минутад Нашвиллээс Франко Негри гоолын салхийг хагалсан бол тоглолтын 11 дэх минутад Месси тэнцээний гоолыг хийж, 39' дэх минутад багийн анд Испани тоглогч Серхио Бускетст гоолын дамжуулалт өгч, Интер Майами тоглолтыг тэргүүлж эхэлжээ. Улмаар Месси 81' дэх минутад торгуулийн цохилтоор гоол оруулснаар 3-1-ээр Майами ялалт байгуулсан юм. Барселона клубт хамтрагчид байсан тоглогчид MLS-т ч өнгөлөг байна.

Месси амралтын өдөр дубль хийснээр энэ улиралд MLS-ийн тоглолтонд долоон гоол оруулж, лигийн бусад тоглогчдыг тэргүүллээ. Тэрбээр Хойд Америкийн хөлбөмбөгийн лигт өөр таван тоглогчтой зургаан гоолтой тэнцэж байсны дунд түүний багийн анд Луис Суарес хүртэл байв. Харин сүүлийн гоол нь түүнийг лигийн мэргэн буучдын жагсаалтыг тэргүүлэхэд хүргэв. Ballon d'Or-ын найман удаагийн эзэн Месси энэ улиралд бүх тэмцээнд оролцсон есөн тоглолтод есөн гоол оруулаад байна.