4 жил тутам зохион байгуулагддаг Тусгай Олимпын өвлийн наадам Италийн Турин хотод үргэлжилж байна. Тус наадмаас Монгол Улс анхны медалиа хүртсэн баярт үйл явдал боллоо. Тодруулбал Snowboarding-ийн Giant Slalom төрөлд А.Алтан-Очир хүрэл медаль хүртсэн байна. Мөн М. Энхзаяа шагналт 4-р байранд оржээ.

Маргааш дээрх хоёр тамирчин дахин хоёр төрөлд хүч үзэх ба медалийн өнгөө хувиргах боломжтой.

Тус наадамд Дэлхийн 100 гаруй орны 1500 тамирчин өвлийн спортын 8 төрлөөр өрсөлдөж байна. Турины өвлийн олимп туслахаар дэлхийн өнцөг булан бүрээс 2000 гаруй сайн дурын залуус цуглаад байна.