МУГТ Эрдэнэбатын Цэндбаатарын ээлжит тулааны тов тодорхой болжээ. Мэргэжлийн боксоор Дэлхийн шилдгүүдтэй өрсөлдөж яваа Э.Цэндбаатар 14 дахь тулаанаа АНУ-ын тамирчин Humberto Galindo-той баяр наадмын өдрөөр буюу 11-р сарын 07-нд АНУ-ын Флорида мужид тулалдахаар болжээ.

МУГТ Э.Цэндбаатарын хувьд мэргэжлийн тулаанд нийт 13 тулаан хийсэн ба нэг ч ялагдалгүй 13-0 амжилттай яваа ба зургаан өрсөлдөгчөө хүнд цохилтоор буулгаж авсан гайхалтай амжилттай явж байна.

Харин түүний өрсөлдөгч

Энэ удаа түүнтэй рингэн дээр өрсөлдөх Brandon Leon Benitez нь 1998 онд төрсөн 27 настай, 170 см өндөр, 173 см гарын алдтай, Мексик улсын шилдэг тулаанчдын нэг юм. Тэрбээр мэргэжлийн бокст 2014 онд дебютээ хийсэн бөгөөд нийт 25 тулаан хийж, 21 ялсан ба есийг нь хүнд цохилтоор буулган авсан чадварлаг тулаанч бөгөөд дөрвөн удаа ялагдаж, гурван удаад нь хүнд цохилтоор ялагдсан байна. Сайн мэдээ нь тэрбээр сүүлийн хоёр тулаандаа дараалан ялагдал хүлээсэн байна. Энэхүү өрсөлдөгч нь Э.Цэндбаатараас нуруулаг, туршлагатай тамирчин хэдий ч Э.Цэндбаатар 13 дараалан ялагдал амсаагүй яваа ба ялах итгэлээр дүүрэн бэлтгэл сургуулилтдаа ороод байна.